ଭୁବନେଶ୍ବର: STF ପଞ୍ଝାରେ ନକଲି ନୋଟ୍ ରାକେଟ୍ । 14 ଲକ୍ଷ 29 ହଜାର 500 ଟଙ୍କାର ନକଲି ନୋଟ୍ ଜବତ ହେବା ସହ ଏହି ରାକେଟର ଦୁଇ ଜଣଙ୍କୁ ଗିରଫ କରିଛି STF । ବିଶ୍ବସ୍ତ ସୂତ୍ରରୁ ଖବର ପାଇ STF ଓ ବରଗଡ଼ ପୋଲିସର ଏକ ସ୍ବତନ୍ତ୍ର ଟିମ୍ ବରଗଡ଼ ଜିଲ୍ଲାର ବରପାଲି ଅଞ୍ଚଳରେ ବଳରାମ ମେହେର ଘରେ ଆଜି(ଗୁରୁବାର) ସକାଳୁ ଚଢ଼ାଉ କରିଥିଲେ। ବଳରାମଙ୍କ ନିକଟରୁ 12 ଲକ୍ଷ 97 ହଜାର 500 ଟଙ୍କାର ନକଲି ନୋଟ୍ ଜବତ କରାଯାଇଛି ।
କ୍ରାଇମବ୍ରାଞ୍ଚ STFର ଚଢାଉ: 14 ଲକ୍ଷ ଟଙ୍କାର ନକଲି ନୋଟ୍ ଜବତ
ଅଭିଯୁକ୍ତଙ୍କୁ ଅଧିକ ପଚରାଉଚରା ପରେ ରାକେଟର ମାଷ୍ଟର ମାଇଣ୍ଡ ଆନ୍ତଃରାଜ୍ୟ ଅପରାଧୀ ଗୋରଖପୁରର ପଟୁ ଯାଦବ ବୋଲି ଜଣା ପଡିଥିଲା । ପରେ ପଟୁ ଯାଦବର ବୁର୍ଲା ସିକ୍ରିଡି ଅଞ୍ଚଳରେ ଥିବା ଘର ଉପରେ ଚଢ଼ାଉ କରାଯାଇଥିଲା । ତା’ ନିକଟରୁ 1 ଲକ୍ଷ 32 ହଜାର ଟଙ୍କାର ଜାଲ ନୋଟ ମିଳିଥିଲା । ଉଭୟଙ୍କୁ ଗିରଫ କରାଯିବା ସହ ଅଧିକା ପଚରାଉଚୁରା ବେଳେ ଜଣାପଡିଛି ଯେ, ନକଲି ନୋଟ କାରବାର କରିବା ନମନ୍ତେ ସେମାନଙ୍କୁ 1 ଲକ୍ଷ ଟଙ୍କାରେ 30 ହଜାର ଟଙ୍କା ମିଳୁଥିଲା ।