ଭୁବନେଶ୍ବର: ଆଜି(ସୋମବାର) ହେଉଛି ପବିତ୍ର ଜନ୍ମାଷ୍ଟମୀ । ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥିକୁ ଶ୍ରୀକୃଷ୍ଣଙ୍କ ଜନ୍ମତିଥି ଭାବେ ପାଳନ କରାଯାଏ । ହିନ୍ଦୁମାନେ ଧୁମଧାମରେ କାହ୍ନାଙ୍କ ଜନ୍ମଦିନକୁ ପାଳିଥାନ୍ତି । ତେବେ ଏହି ପବିତ୍ର, ଭକ୍ତିପୂର୍ଣ୍ଣ ଦିବସରେ ରାଜଧାନୀର ଇସ୍କନ ମନ୍ଦିର ମଧ୍ୟ ଚଳଚଞ୍ଚଳ ହୋଇଉଠିଛି । କୋରୋନା କଟକଣା ମଧ୍ୟରେ ଶ୍ରଦ୍ଧାଳୁ ମନ୍ଦିର ବାହାରେ ରାଧାକୃଷ୍ଣଙ୍କୁ ଦର୍ଶନ କରିଛନ୍ତି ।
ଜନ୍ମାଷ୍ଟମୀରେ ଚଳଚଞ୍ଚଳ ରାଜଧାନୀର ଇସ୍କନ ମନ୍ଦିର
ଗତ ୨୩ ତାରିଖରୁ ରାଜଧାନୀରେ ଦର୍ଶନ ପାଇଁ ସବୁ ମନ୍ଦିର ଖୋଲାଯାଇଛି । ସଂକ୍ରମଣ ଓ ଭିଡ଼କୁ ନଜରରେ ରଖି ମନ୍ଦିର ଭିତରକୁ ଶ୍ରଦ୍ଧାଳୁଙ୍କ ପ୍ରବେଶ ଉପରେ କଟକଣା ଲଗାଯାଇଛି । ଫଳରେ ଭକ୍ତମାନେ ବାହାରେ ଠିଆ ହୋଇ ରାଧାକୃଷ୍ଣଙ୍କୁ ଦର୍ଶନ କରିଛନ୍ତି । ପାଖରୁ ଠାକୁରଙ୍କୁ ଦର୍ଶନ ନ କରି ଭକ୍ତଙ୍କ ମନ ନିରାଶ ହୋଇଛି ସତ, କିନ୍ତୁ ବାହାର ପଟୁ ଅର୍ଥାତ ପ୍ରଭୁଙ୍କ ଦୁଆରୁ ଦର୍ଶନ ପାଇଥିବାରୁ ଭକ୍ତମାନେ ବେଶ ଆନନ୍ଦ ଥିବା କହିଛନ୍ତି ।