ଭୁବନେଶ୍ବର: ରାଜଧାନୀର 4ଟି ସ୍ଥାନରେ ଅନୁଷ୍ଠିତ ହେଉଛି ରାବଣ ପୋଡି । ବରମୁଣ୍ଡା, ଝାରପଡା, ନୟାପଲ୍ଲୀ ଓ ନହରକଣ୍ଟାରେ ଏହି ଆୟୋଜନ କରାଯାଉଛି । ହେଲେ କେବଳ 2ଟି ସ୍ଥାନ ଯଥା ବରମୁଣ୍ଡା ଓ ଝାରପଡାରେ ଆତସବାଜି ପାଇଁ ଅନୁମତି ପ୍ରଦାନ କରାଯାଇଛି । ଏନେଇ କମିଶନରେଟ ପୋଲିସ କରିଛି ବ୍ୟାପକ ପ୍ରସ୍ତୁତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ବିଶେଷ କରି ରାବଣ ପୋଡି ସମୟରେ ଗହଳି ଚହଳିକୁ ଦୃଷ୍ଟିରେ ରଖି ବିଶେଷ ବ୍ୟବସ୍ଥାମାନ କରାଯାଇଛି । ଏଥିପାଇଁ ନୟାପଲ୍ଲୀ ଓ ବରମୁଣ୍ଡା ହାଇୱେ ନିକଟରେ କଟକ ଭୁବନେଶ୍ବର ଗାଡି ଚଳାଚଳ ପାଇଁ ଜାରି ହୋଇଛି ସ୍ବତନ୍ତ୍ର ଆଡଭାଇଜରି । କଟକ ପଟୁ ଆସୁଥିବା ଗାଡି ଜୟଦେବ ବିହାରରୁ ବାମକୁ ଯାଇ ବେହେରା ସାହି ଦେଇ ସିଆରପିକୁ ବାହାରିବେ ।