ଭୁବନେଶ୍ବର: ସହଯୋଗୀକୁ ପଥରରେ ଛେଚି ହତ୍ୟାକଲା ଅନ୍ୟଜଣେ ସହଯୋଗୀ । ଏପରି ଏକ ନୃଶଂସ ଘଟଣା ଦେଖିବାକୁ ମିଳିଛି ରାଜଧାନୀ ଖାରବେଳନଗର ଥାନା ଅନ୍ତର୍ଗତ ସ୍ବସ୍ତି ପ୍ଲାଜା ସାମ୍ନାରେ । ତିନିଦିନ ତଳେ ଉଭୟଙ୍କ ମଧ୍ୟରେ ସୃଷ୍ଟି ହୋଇଥିବା ସାମାନ୍ୟ ବଚସା ଆଜି ରକ୍ତପାତର ରୂପ ନେଇଛି ।
ତିନି ଦିନର ବଦଲା ତିନି ମିନିଟରେ, ପଥରରେ ଛେଚିଛେଚି ସହଯୋଗୀକୁ ନିର୍ମମ ହତ୍ୟା
ସୂଚନା ଅନୁଯାୟୀ ଭୁବନେଶ୍ବରରେ ହେଲ୍ପର ଭାବେ କାମ କରୁଥିଲେ ଭଦ୍ରକ ପୁରୁଣାବଜାରର ଶେଖ ଅବଦୁଲ । 3 ଦିନ ତଳେ ଶେଖ୍ ଅବଦୁଲର ତାଙ୍କ ସହଯୋଗୀ ଯାଜପୁର ଧର୍ମଶାଳାର ସୁମୁ ସିଂ ସହ ପାଟିତୁଣ୍ଡ ହୋଇଥିଲା । ଏପରିକି ଶେଖ୍ ସୁମୁଙ୍କୁ ମଧ୍ୟ ମାଡ ମାରିଥିଲା । ପୁଣି ଗତକାଲି(ଶନିବାର) ଉଭୟଙ୍କ ମଧ୍ୟରେ ପାଟିତୁଣ୍ଡ ହେବାରୁ ହଠାତ୍ ସୁମୁ ରାଗିଯାଇ ପାଖରେ ପଡିଥିବା ପଥରରେ ଛେଚି ଶେଖକୁ ହତ୍ୟା କରିଥିବା ଅଭିଯୋଗ ହୋଇଛି ।