ଭୁବନେଶ୍ବର: କୋରୋନା ମହାମାରୀରେ ଆସ୍ତବ୍ୟସ୍ତ ସାରା ବିଶ୍ବ । ବିପର୍ଯ୍ୟସ୍ତ ଜୀବନ, ହଜିଯାଇଛି ଜୀବିକା । ଜୀବନ ଧାରଣ ଗରିବଙ୍କ ପାଇଁ ଦୁର୍ବିସହ ହୋଇ ପଡିଛି । କୋରୋନାରେ ଓଡିଶା ମଧ୍ୟ ଏକ ଭୟଙ୍କର ସ୍ଥିିତି ଦେଇ ଗତି କରୁଛି । ଏପରିସ୍ଥଳେ କୋରୋନା ମୃତକଙ୍କୁ ପରିବାରକୁ ସହାୟତାର ହାତ ବଢାଇଛି କିଟ ବିଶ୍ବବିଦ୍ୟାଳୟ । କିଟ ଓ କିସର ପ୍ରତିଷ୍ଠାତା ଡା. ଅଚ୍ୟୁତ ସାମନ୍ତ କହିଛନ୍ତି ଯେ, କୋରୋନା ମୃତଙ୍କ ପରିବାରର ପୁଅ କିମ୍ବା ଝିଅଙ୍କ ଟେକ୍ନିକାଲ ଓ ପ୍ରଫେସନାଲ ଶିକ୍ଷା କ୍ଷେତ୍ରରେ କିଟ୍ ସମସ୍ତ ଖର୍ଚ୍ଚ ବହନ କରିବ ।
କୋରୋନା ମୃତକଙ୍କ ପିଲାଙ୍କୁ ମାଗଣା ପାଠ ପଢାଇବ କିଟ୍
ଓଡିଶାରେ କୋରୋନାରେ ମୃତ୍ୟୁ ଘଟିଥିବା ବ୍ୟକ୍ତିଙ୍କ ପରିବାରର କୌଣସି ପୁଅ କିମ୍ବା ଝିଅ କିଟରେ ବୈଷୟିକ ଉଚ୍ଚ ଶିକ୍ଷା ପାଇଁ ଯଦି ଆଗ୍ରହୀ ଥାନ୍ତି , ତେବେ ସେମାନଙ୍କ ନାମଲେଖା ଯୋଗ୍ୟତା ଅନୁସାରେ ସେମାନଙ୍କୁ କିଟ୍ ବିଶ୍ବବିଦ୍ୟାଳୟରେ ଯେ, କୌଣସି ବୈଷୟିକ ଓ ବୃତ୍ତିଗତ ପାଠ୍ୟକ୍ରମରେ ଏଥିରେ ମେଡିକାଲ ପାଠ୍ୟକ୍ରମ ମଧ୍ୟ ରହିଛି ଯାହାକୁ ସମ୍ପୂର୍ଣ୍ଣ ମାଗଣା ପଢିବାର ସୁଯୋଗ ଦିଆଯିବ ।