ବିନା ରେଜିଷ୍ଟ୍ରେସନରେ ଗାଡି ବିକ୍ରି, ଡିଲର ଗଣିବେ 1 ଲକ୍ଷ ତଣ୍ଡ

ବିନା ରେଜିଷ୍ଟ୍ରେସନରେ ଗାଡି ଡେଲିଭର। ଇନଫୋସିଟି ଥାନା ଅଞ୍ଚଳର କବିତା ପଣ୍ଡା ନାମକ ଜଣେ ଗ୍ରାହକଙ୍କୁ କରିଛି ଠକେଇ। ବିନା ରେଜିଷ୍ଟ୍ରେସନରେ ଗାଡି ବିକ୍ରି କରି ଦେଇଛି ଡିଲର ।

ଭୁବନେଶ୍ବର: ବିନା ରେଜିଷ୍ଟ୍ରେସନରେ ଗାଡି ବିକ୍ରି କରିଛି ଏକ ଡିଲର । ଇନଫୋସିଟି ଥାନା ଅଞ୍ଚଳର କବିତା ପଣ୍ଡା ନାମକ ଜଣେ ଗ୍ରାହକଙ୍କୁ କରିଛି ଠକେଇ। ଆଉ ଗ୍ରାହକ ଜଣକ ଗାଡି ନେଇ ଚେକିଂରେ ଧରା ପଡିବା ପରେ ଖୋଲିଛି ଗୁମର ।

ତେବେ ଗତ 12 ତାରିଖରେ ସମ୍ପୃକ୍ତ ଗ୍ରାହକ ଜଣକ ଗାଡିଟି ନେଉଥିବା ବେଳେ ବାରଙ୍ଗଠାରେ ଧରିଥିଲା କଟକ ପରିବହନ ବିଭାଗ ପରେ ଜାଣିବାକୁ ପାଇଥିଲେ ବିନା ରେଜିଷ୍ଟ୍ରେସନରେ ଗାଡି ବିକ୍ରି କରି ଗ୍ରାହକଙ୍କୁ ଗାଡି ଦେଇଛି ଏକ ଡିଲର । ଯାହାକୁ ନେଇ ହୋଣ୍ଡା କମ୍ପାନୀକୁ 1 ଲକ୍ଷର ତଣ୍ଡ ଲଗାଇଛି କଟକ ଆରଟିଓ ।

ପରେ ଏନେଇ ଗ୍ରାହକ ଜଣକ ଇନଫୋସିଟି ଥାନାରେ ସମ୍ପୃକ୍ତ ହୋଣ୍ଡା କମ୍ପାନୀ ନାଁରେ କରିଛନ୍ତି ଅଭିଯୋଗ । ଗତ 28 ତାରିଖରୁ ଗାଡି କିଣି ଥିଲେ ମଧ୍ୟ ଏଯାଏ ଦେଇନଥିଲେ ନମ୍ବର। ପରେ ତଣ୍ଡ ଲାଗୁ ହେବା ପରେ OD33Y4682 ନମ୍ବର ଦେଇଛନ୍ତି ସମ୍ପୃକ୍ତ କମ୍ପାନୀ କର୍ତ୍ତୃପକ୍ଷ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ