ଭୁବନେଶ୍ବର: ସୁଧ କାରବାର ନେଇ ମହିଳାଙ୍କୁ ଅସଦାଚରଣ ଘଟଣାରେ ଗିରଫ ହେଲେ ୨ ଗଣମାଧ୍ୟମ ପ୍ରତିନିଧି । ଜଣେ ମହିଳାଙ୍କଠାରୁ ପ୍ରତିକ୍ରିୟା ନେବା ଆଳରେ ୨ ଗଣମାଧ୍ୟମ ପ୍ରତିନିଧି ଅସଦାଚରଣ କରିଥିବା ଅଭିଯୋଗ ହୋଇଥିଲା । ଏହାପରେ ଉଭୟଙ୍କୁ ଗିରଫ କରିଛି କମିଶନରେଟ ପୋଲିସ ।
ମହିଳାକୁ ଅସଦାଚରଣ ମାମଲା, ଗିରଫ ହେଲେ ସମ୍ବାଦିକଙ୍କ ସମେତ ଚ୍ୟାନେଲ MD
ଏନେଇ କମିଶନରେଟ ପୋଲିସ ପକ୍ଷରୁ ସୂଚନା ମିଳିଛି । କମିଶନରେଟ ପୋଲିସର କହିବା ଅନୁସାରେ ମହିଳାଙ୍କୁ ଅସଦାଚରଣ ମାମଲାରେ ନ୍ୟୁଜ ଚ୍ଯାନେଲ 'ପରିବର୍ତ୍ତନ'ର ସାମ୍ବାଦିକ ଚନ୍ଦ୍ରକାନ୍ତ ଦଳେଇ ଏବଂ ଏମଡି ପ୍ରଶାନ୍ତ କୁମାର ରାଉତଙ୍କୁ ଗିରଫ କରାଯାଇଛି । ଏମାନଙ୍କ ବିରୁଦ୍ଧରେ ଆଇପିସିର ଧାରା ୨୯୪, ୫୦୬, ୩୫୪, ୩୫୪ଡି ଏବଂ ୩୪ ଆଧାରରେ ଗିରଫ କରିଛି ମଞ୍ଚେଶ୍ବର ଥାନା ପୋଲିସ ।