ଭୁବନେଶ୍ବର: ରାଜ୍ୟ କଂଗ୍ରେସ ପକ୍ଷରୁ ଜଏନ କଂଗ୍ରେସ ସୋସିଆଲ ମିଡିଆ କ୍ୟାମ୍ପେନ୍ ଆରମ୍ଭ । ଶୁଭାରମ୍ଭ କଲେ ପିସିସି ସଭାପତି ନିରଞ୍ଜନ ପଟ୍ଟନାୟକ। ଏହି କ୍ୟାମ୍ପେନ ସାରା ରାଜ୍ୟର 21 ଟି ଲୋକସଭା ଆସନରେ କରାଯିବ ।
ରାଜ୍ୟ କଂଗ୍ରେସ ଆରମ୍ଭ କଲା ଜଏନ କଂଗ୍ରେସ ସୋସିଆଲ ମିଡିଆ କ୍ୟାମ୍ପେନ୍
କଂଗ୍ରେସକୁ ସଂଗଠନକୁ ଉଜ୍ଜୀବିତ କରିବା ପାଇଁ କଂଗ୍ରେସ ଆରମ୍ଭ କରିଛି ସୋସିଆଲ ମିଡିଆ କ୍ୟାମ୍ପେନ । ଆଜି ରାଜ୍ୟ କଂଗ୍ରେସ ପକ୍ଷରୁ ଜଏନ କଂଗ୍ରେସ ସୋସିଆଲ ମିଡିଆ କ୍ୟାମ୍ପେନ୍ ଆରମ୍ଭ କରାଯାଇଛି। ଏହି ସୋସିଆଲ ମିଡିଆ କ୍ୟାମ୍ପେନ ମାଧ୍ୟମରେ ରାଜ୍ୟର 21 ଟି ସଂସଦୀୟ କ୍ଷେତ୍ରରେ 21 ହଜାର ସେଚ୍ଛାସେବୀ ନିୟୋଜିତ କରାଯିବ। ସୋସିଆଲ ମିଡିଆ ଜରିଆରେ ଆମେ ଲୋକଙ୍କ ପାଖରେ ପହଞ୍ଚିବୁ ବୋଲି କହିଛନ୍ତି ନିରଞ୍ଜନ ପଟ୍ଟନାୟକ। ବର୍ତ୍ତମାନର ଯୁଗରେ ସୋସିଆଲ ମିଡ଼ିଆର ହିଁ ଲୋକମାନଙ୍କ ପାଖରେ ପହଞ୍ଚିବା ଏକ ମୁଖ୍ୟ ମାଧ୍ୟମ ହୋଇଛି । ଲୋକଙ୍କ ପାଖକୁ ସବୁ ଖବର ଆସିପାରୁନି। ସେଥିଲାଗି ଆମେ ସୋସିଆଲ ମିଡ଼ିଆର ସହଯୋଗ ନେଲୁ ବୋଲି ନିରଞ୍ଜନ କହିଛନ୍ତି।