ରାଜଧାନୀରେ ଧନତେରସରେ ଖଚାଖଚ ଭିଡ, ବୋହି ନେଲେ ସୁନା ଗହଣା

କୋରୋନା କଟକଣା ସତ୍ତ୍ବେ ବି ଧନତେରସରେ ପୂର୍ବ ପରି ରାଜଧାନୀର ବିଭିନ୍ନ ଗହଣା ଦୋକାନରେ ଖଚାଖଚ ଭିଡ ଦେଖିବାକୁ ମିଳିଛି । ଏହାକୁ ଦୃଷ୍ଟିରେ ରଖି ପ୍ରତି ଦୋକାନରେ ସାମାଜିକ ଦୂରତା ସହ ମାସ୍କ ପିନ୍ଧିବା ଉପରେ ଗୁରୁତ୍ବ ଦିଆଯାଇଛି। ଅଧିକ ପଢନ୍ତୁ..

ଭୁବନେଶ୍ୱର: ଆଜି ହେଉଛି ପବିତ୍ର ଧନତେରସ । ବିଶ୍ବାସ ରହିଛି ଆଜି ଦିନରେ ସୁନା କିଣିଲେ ମା' ଲକ୍ଷ୍ମୀ ଘରକୁ ଆସିଥାନ୍ତି । ସେପଟେ କୋରୋନା କଟକଣା ସତ୍ତ୍ବେ ବି ଧନତେରସରେ ପୂର୍ବ ପରି ରାଜଧାନୀର ବିଭିନ୍ନ ଗହଣା ଦୋକାନରେ ଖଚାଖଚ ଭିଡ ଦେଖିବାକୁ ମିଳିଛି । ଏହାକୁ ଦୃଷ୍ଟିରେ ରଖି ପ୍ରତି ଦୋକାନରେ ସାମାଜିକ ଦୂରତା ସହ ମାସ୍କ ପିନ୍ଧିବା ଉପରେ ଗୁରୁତ୍ବ ଦିଆଯାଇଛି। ତେବେ ଏସବୁ ସତ୍ତ୍ବେ ମହିଳାମାନେ ଚୁଡି, କାନଫୁଲ, ଶଙ୍ଖା, ସିନ୍ଥି, ମଙ୍ଗଳସୁତ୍ର ଓ ଚେନ ଲକେଟ ଠୁ ଆରମ୍ଭ କରି ମୁଦି ଓ ରୁପା ପାଉଞ୍ଜି କିଣୁଥିବା ଦେଖିବାକୁ ମିଳିଛି ।

ଚାହିଦା ସାଙ୍ଗକୁ ସାମାନ୍ୟ ସୁନାଦର ହ୍ରାସ ଲୋକଙ୍କୁ ଗହଣା ପ୍ରତି ଆକୃଷ୍ଟ କରିଛି । ସୁନା ୧୦ ଗ୍ରାମ ପିଛା ୫୦ ହଜାର ୯୫୦ ଟଙ୍କା ରହିଥିବାବେଳେ ରୁପା ୧୦ ଗ୍ରାମ ପିଛା ୬୫୦ ଟଙ୍କା ରହିଛି । ତେବେ ଲୋକଙ୍କ ରେଂଜ ଅନୁଯାୟୀ ସେମାନଙ୍କ ପସନ୍ଦର ଭେରାଇଟି ସୁନା କିଣିବାକୁ ବେଶ ପସନ୍ଦ କରୁଛନ୍ତି । ତେବେ ଦୁଇଦିନ ପୂର୍ବରୁ ୧୦ ଗ୍ରାମ ପିଛା ୫୨ ହଜାରରୁ ରେଟ ଖସିଛି । ଆଗକୁ ବାହାଘର ସିଜନ ଆସୁଛି । ଲକଡାଉନ ଯୋଗୁଁ କେହିକେହି ଗହଣା କିଣିନଥିବା ବେଳେ କାହାକୁ ଧନତେରାସ ଗହଣା କିଣିବାକୁ ସୁଯୋଗ ଦେଇଛି ।ଲୋକଙ୍କ ଡିମାଣ୍ଡ ଦେଖି ବ୍ୟବସାୟୀ ମଧ୍ୟ ଭଲ ଦି ପଇସା ରୋଜଗାର କରିଛନ୍ତି । କିନ୍ତୁ ପୂର୍ବ ବର୍ଷ ଅପେକ୍ଷା ହାଇ କଷ୍ଟ ଗହଣା ଅପେକ୍ଷା ମିଡିୟମ କଷ୍ଟ ଗହଣା ଉପରେ ଭଲ ବ୍ୟବସାୟ ହୋଇଛି ।ଭୁବନେଶ୍ୱରରୁ ତାପସ ପରିଡା, ଇଟିଭି ଭାରତ