ଭୁବନେଶ୍ବର:ଆଜି ଆରମ୍ଭ ହୋଇଛି ଜେଇଇ ଆଡଭାନ୍ସ ପରୀକ୍ଷା । ଦେଶରେ ଥିବା ବିଭିନ୍ନ ଆଇଆଇଟିରେ ନାମ ଲେଖାଇବା ପାଇଁ ଜେଇଇ ଆଡଭାନ୍ସ ପରୀକ୍ଷା ଚାଲିଛି । ଦୁଇଟି ସିଟିଂରେ ପରୀକ୍ଷା ଦେଉଛନ୍ତି ଛାତ୍ରଛାତ୍ରୀ । ପ୍ରଥମ ସିଟିଂ ସକାଳ 9 ଟାରୁ 12 ଟା ଓ ଦ୍ବିତୀୟ ସିଟିଂ ଅପରାହ୍ନ 2ଟା 30 ରୁ 5ଟା 30 । ଦେଶର ୭୦୦ରୁ ଅଧିକ ପରୀକ୍ଷା କେନ୍ଦ୍ରରେ ପରୀକ୍ଷା ବ୍ୟବସ୍ଥା ହୋଇଛି ।
ଜେଇଇ ମେନରେ ଭଲ ରାଙ୍କ ରଖିଥିବା 2 ଲକ୍ଷ 50 ହଜାର ଛାତ୍ରଛାତ୍ରୀ ଏହି ପରୀକ୍ଷା ଦେଉଛନ୍ତି । ଚଳିତ ବର୍ଷ ଦେଶରେ 4ଟି ପର୍ଯ୍ୟାୟରେ ଅନୁଷ୍ଠିତ ହୋଇଥିଲା ଜେଇଇ ମେନ୍ ପରୀକ୍ଷା । ତେବେ ଏଥର ଆଇଆଇଟି ଖଡଗପୁର ଦ୍ବାରା ଆୟୋଜିତ ହେଉଛି ଜେଇଇ ଆଡଭାନ୍ସ ପରୀକ୍ଷା । ରାଜ୍ୟରେ 7 ହଜାରରୁ ଅଧିକ ଛାତ୍ରଛାତ୍ରୀ ଏଥିପାଇଁ ଯୋଗ୍ୟ ବିବେଚିତ ହୋଇଛନ୍ତି ।