ଭୁବନେଶ୍ବର: ବିଭିନ୍ନ ଦାବିକୁ ନେଇ ଗାନ୍ଧୀ ମାର୍ଗରେ ଗର୍ଜିଲେ ଯାତ୍ରା କଳାକାର ଓ କର୍ମଚାରୀ, ପାର୍ଲର, ଜିମ ମିଳିତ ସଂଘ । ନବ ନିର୍ମାଣ କୃଷକ ସଂଗଠନ ସହ ମିଳିତ ଭାବେ ଏହିସବୁ ସଂଘ ମିଶି ନିଜର ଅଧିକାର ପାଇଁ ଲୋୟର ପିଏମଜିରେ ଶୋଭାଯାତ୍ରାରେ ମାଷ୍ଟରକ୍ୟାଣ୍ଟିନରୁ ଆସି ଆନ୍ଦୋଳନ କରିଛନ୍ତି। ଏପରିକି ସରକାରଙ୍କୁ ନିଜର ଦାବି ଉପସ୍ଥାପନା କରିବାକୁ ଯାଇ ପଥପ୍ରାନ୍ତର ନାଟକ ବି କରିଛନ୍ତି । କାରଣ ଦୀର୍ଘଦିନ ଧରି ଏହିସବୁ ସଂଘ ବନ୍ଦ ପଡିଥିବା ବେଳେ ଅନେକ କ୍ଷତି ସହିଛନ୍ତି । କହିବାକୁ ଗଲେ ଲକଡାଉନକୁ ନେଇ ଏମାନଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଯାଇଛି ।
ଏସବୁ ଭିତରେ ଯଦିଓ ସରକାର ଜିମ, ପାର୍ଲର ଆଉ ଯାତ୍ରାମଞ୍ଚ ଖୋଲିବାକୁ ଅନୁମତୁ ଦେଇଛନ୍ତି । କିନ୍ତୁ, ରାତି କର୍ଫ୍ଯୁକୁ ନେଇ ଏସବୁ ଅନୁଷ୍ଠାନ ଖୋଲି ମଧ୍ୟ ହାତ ବାନ୍ଧି ବସିଛନ୍ତି । ବିଶେଷ ଭାବେ ରାତ୍ରିରେ ଯାତ୍ରା ପରିବେଷଣ କରାଯାଇଥିବା ବେଳେ ସଂଧ୍ୟା ୮ ପରେ ସବୁକିଛି ବନ୍ଦ ହୋଇଯାଇଛି। ତେଣୁ, ଯାତ୍ରା କରିପାରୁନାହାନ୍ତି କଳାକାର । ଏହାକୁ ନେଇ ବେଶ ଉଦବେଗ ପ୍ରକାଶ କକରିଛନ୍ତି ଯାତ୍ରା କଳାକାର ଓ କର୍ମଚାରୀ । ତେଣୁ, ସେମାନଙ୍କ ଜୀବିକାର ସୁରକ୍ଷା ପାଇଁ ୬ ମାସର କ୍ଷତିପୂରଣ ଜଣକ ପିଛା ୫୦୦୦ ଟଙ୍କା ଦେବାକୁ ଦାବି କରିଛି ମିଳିତ ସଂଘ । ଏହାସହ ନାଇଟ କଫ୍ଯୁ ବଢାଇବା ପାଇଁ ମଧ୍ୟ ଅନୁରୋଧ କରିଛନ୍ତି । ଆଗକୁ ଏମାନଙ୍କ ଜୀବିକାକୁ ନେଇ ସରକାର ଯଦି କୌଣସି ଚିନ୍ତା ଓ ସମାଧାନ ନକରନ୍ତି ତେବେ ଆନ୍ଦୋଳନ ଜୋର ହେବ ବୋଲି ସଂଘ କହିଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
