ଭୁବନେଶ୍ବର: ୟେସ ବ୍ୟାଙ୍କର ଆର୍ଥିକ ସଙ୍କଟକୁ ନେଇ ସାରା ଦେଶରେ ଚର୍ଚ୍ଚା । ମହାପ୍ରଭୁ ଶ୍ରୀ ଜଗନ୍ନାଥଙ୍କ ୫୪୫ କୋଟି ଟଙ୍କା ୟେସ୍ ବ୍ୟାଙ୍କରେ ଗଛିତ ଅଛି । ମହାପ୍ରଭୁ ଜଗନ୍ନାଥଙ୍କ ୟେସ୍ ବ୍ୟାଙ୍କରେ ଥିବା ଜମା ଟଙ୍କାକୁ ନେଇ ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ସାମ୍ବାଦିକ ସମ୍ମିଳନୀ କରି ସରକାରଙ୍କୁ ଘେରିଛନ୍ତି ।
ୟେସ ବ୍ୟାଙ୍କରେ ଜଗନ୍ନାଥଙ୍କ ଟଙ୍କା: ମୁଖ୍ୟମନ୍ତ୍ରୀଙ୍କ ସ୍ପଷ୍ଟୋକ୍ତି ଦାବି କଲା କଂଗ୍ରେସ
ସରକାର ଜଗନ୍ନାଥ ମନ୍ଦିର ପ୍ରତି ଚରମ ଅବହେଳା କରିଥିବା କଂଗ୍ରେସ ଅଭିଯୋଗ ଆଣିଛି । ୟେସ ବ୍ୟାଙ୍କରେ ମହାପ୍ରଭୁଙ୍କ ଜମା ଟଙ୍କା ଉଠାଣକୁ ନେଇ ସଙ୍କଟ ଦେଖା ଦେଇଥିବା ବେଳେ ଶନିବାର ରାଜଧାନୀ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସରକାରଙ୍କୁ ଟାର୍ଗେଟ କରିଛନ୍ତି କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର। ୟେସ ବ୍ୟାଙ୍କରେ ଜଗନ୍ନାଥଙ୍କ ଟଙ୍କାକୁ କିଏ ରଖିଥିଲା ସେ ନେଇ ସରକାର କୌଣସି ସ୍ପଷ୍ଟକ୍ତି ଦେଇ ନାହାଁନ୍ତି ବୋଲି ସେ କହିଛନ୍ତି ।