ଭୁବନେଶ୍ବର: ରାଜ୍ୟରେ ସମ୍ପୂର୍ଣ୍ଣ ଅନଲକ୍ ହେବ ନାହିଁ । ବର୍ତ୍ତମାନ ଅନଲକ୍ ପରିସ୍ଥିତି ସୃଷ୍ଟି ହୋଇନାହିଁ । ତେଣୁ ପୂର୍ବପରି କଟକଣା ଜାରି ରହିବ ବୋଲି ସୂଚନା ଦେଇଛନ୍ତି DMET ସିବିକେ ମହାନ୍ତି । ଆସନ୍ତାକାଲି(ଶନିବାର) ଏନେଇ ସବିଶେଷ ଆଲୋଚନା କରାଯିବ ଏବଂ କମିଟି ନିଷ୍ପତି ନେବ ବୋଲି ସେ କହିଛନ୍ତି ।
ବର୍ତ୍ତମାନ ସମ୍ପୂର୍ଣ୍ଣ ଅନଲକ୍ ପରିସ୍ଥିତି ଉପୁଜି ନାହିଁ: DMET
ତେବେ ସିବିକେ ମହାନ୍ତି କହିଛନ୍ତି ଯେ, କଟକ ଭୁବନେଶ୍ଵରରେ କୋରୋନା ସ୍ଥିତି ସ୍ଥିର ରହିଛି । ଆଗରୁ ପଜେଟିଭ ସଂଖ୍ୟା 500 ଉପରେ ରହୁଥିଲା, ଏବେ 400 ରେ ରହୁଛି । ଆମେ ବର୍ତ୍ତମାନ ଅନଲକ ଟ୍ରାକରେ ଅଛୁ । କେସ ଲୋଡ଼ କମିଛି । ମଲ ଖୋଲିବାକୁ ଅନୁମତି ଦେବା ପୂର୍ବରୁ ଡବଲ ଡୋଜ ଟିକା ନେଇଥିବା ଲୋକଙ୍କୁ ପ୍ରବେଶ ପାଇଁ ଅନୁମତି ଦିଆଯାଉ ଏବଂ ମଲ ଭିତରେ ଥିବା ଫୁଡ଼ କୋର୍ଟକୁ ସମ୍ପୂର୍ଣ୍ଣ ବନ୍ଦ ରଖାଯାଉ ।