ଭୁବନେଶ୍ବର: ଆସନ ଗଲା ପରେ ବି ସରକାରଙ୍କ ତୁଟିପାରୁନି କ୍ଷମତା ଆଶା । ଏପଟେ ବିଜେଡ଼ି ପ୍ରେମରେ ଯେମିତି ଉବୁଟୁବୁ ସରକାରୀ ବାବୁ । ସାଧାରଣ ନିର୍ବାଚନରେ ବଲାଙ୍ଗୀର ଲୋକସଭା ଆସନରେ ଶାସକ ବିଜେଡ଼ିର ବିପର୍ଯ୍ୟୟ ଘଟିଛି । ପ୍ରାର୍ଥୀ କଳିକେଶ ନାରାୟଣ ସିଂଦେଓଙ୍କୁ ହରାଇ ବାଜିମାତ୍ କରିଛନ୍ତି ବିଜେପି ପ୍ରାର୍ଥୀ ସଙ୍ଗୀତା ସିଂଦେଓ । କିନ୍ତୁ ରାଜ୍ୟ ସରକାରଙ୍କ ପାଇଁ ଏବେ ମଧ୍ୟ ସାଂସଦ ହୋଇ ରହିଛନ୍ତି କଳିକେଶ ।
ଜଳସମ୍ପଦ ବିଭାଗର ଜଣେ ବରିଷ୍ଠ ଅଧିକାରୀଙ୍କ ଚିଠିରେ ଦେଖିବାକୁ ମିଳିଛି ଏହାର ଜ୍ବଳନ୍ତ ଉଦାହରଣ । ବିଭାଗର ଅତିରିକ୍ତ ସଚିବ ଜଳସମ୍ପଦ ସର୍ବୋଚ୍ଚ ଯନ୍ତ୍ରୀଙ୍କୁ ଲେଖିଥିବା ଚିଠିରେ ଉଲ୍ଲେଖ କରାଯାଇଛି । ବଲାଙ୍ଗୀରର ପୂର୍ବତନ ସାଂସଦ କଳିକେଶ ସିଂଦେଓଙ୍କୁ ସାଂସଦ ବୋଲି କୁହାଯାଇଛି ।