ଭୁବନେଶ୍ବର: ଲେଖାଶ୍ରୀଙ୍କ ଅଭିଯୋଗ ଉପରେ ଜବାବ ରଖିଲେ ବିଜେଡି ପ୍ରବକ୍ତା ଇପ୍ସିତା ସାହୁ । ଆମେ ଭାବୁଥିଲୁ ବିଜେପି ମୁଖପାତ୍ର ଲେଖାଶ୍ରୀ ସାମନ୍ତସିଂହାରଙ୍କର ଅଡ଼ିଟ ଆକାଉଣ୍ଟ ଓ ଏଜି ରିପୋର୍ଟ ଉପରେ ସମ୍ୟକ ଧ୍ୟାନ ଓ ଧାରଣା ଥିବ । କିନ୍ତୁ ତାଙ୍କ ବିବୃତ୍ତି ଦର୍ଶାଉଛି ଅଡିଟ ଆକାଉଣ୍ଟ ଓ ଏଜିଙ୍କ କାର୍ଯ୍ୟବିଧ ସଂକ୍ରାନ୍ତରେ ବିଜେପି ନେତ୍ରୀଙ୍କର ସାମାନ୍ୟତମ ଜ୍ଞାନ ନାହିଁ । ଶୁକ୍ରବାର ଗଣମାଧ୍ୟମରେ ଲେଖାଶ୍ରୀ ରଖିଥିବା ବକ୍ତବ୍ୟରୁ ଏହା ସ୍ପଷ୍ଟ ହୋଇଛି ବୋଲି କହିଛନ୍ତି ବିଜେଡି ପ୍ରବକ୍ତା ଇପ୍ସିତା ସାହୁ ।
ଏଜିଙ୍କ କାର୍ଯ୍ୟବିଧି ସଂକ୍ରାନ୍ତରେ ବିଜେପି ନେତ୍ରୀ ଲେଖାଶ୍ରୀ ଅଜ୍ଞ
ସିଏଜି ରିପୋର୍ଟ ଆଳରେ ଲେଖାଶ୍ରୀ ଆଜି (ଶୁକ୍ରବାର) ପୁଣିଥରେ ମିଥ୍ୟା, ଭିତ୍ତିହୀନ ଓ କପୋଳକଳ୍ପିତ ଆରୋପ ରଖୁଛନ୍ତି । କେତେବେଳେ ପ୍ରଶାସକ ତ ଆଉ କେତେବେଳେ ନେତାମାନଙ୍କ ଉପରେ ମନଗଢା ଆରୋପ ଲଗାଉଛନ୍ତି ଲେଖାଶ୍ରୀ । ଲେଖାଶ୍ରୀଙ୍କ ଏଭଳି ବକ୍ତବ୍ୟ ପଛରେ ରହିଛି ପିପିଲି ଟିକେଟ୍ ନପାଇବାର ଅବଶୋଷ ।