ଭୁବନେଶ୍ବର: ଶିଶୁଙ୍କ ଶାରୀରିକ ଅଭିବୃଦ୍ଧି ଓ ପାଚନ ସମସ୍ୟା ଉପରେ AIPH ୟୁନିଭର୍ସିଟିରେ ଏକ ଅନ୍ତର୍ଜାତୀୟ କର୍ମଶାଳା ଅନୁଷ୍ଠିତ ହୋଇଛି । ଏହି କର୍ମଶାଳାରେ ଷ୍ଟଣ୍ଟି ଆଣ୍ଡ ଗଟ ଡିସଫଙ୍କସନ ବା ବୟସ ଅନୁପାତରେ ଶିଶୁଙ୍କ ଉଚ୍ଚତା ବୃଦ୍ଧି ନହେବା ଏବଂ ପାଚନ ପକ୍ରିୟା ଜନିତ ସମସ୍ୟା ଉପରେ ଆଧାରିତ ଏହି କାର୍ଯ୍ୟକ୍ରମରେ ହୋଇଛି ଆଲୋଚନା ।ଭାରତରେ ଶିଶୁଙ୍କ କୁପୋଷଣ ହାର ୩୫ ପ୍ରତିଶତ ରହିଥିବାବେଳେ, ଓଡ଼ିଶାରେ ଏହା ୩୧ ପ୍ରତିଶତ ରହିଥିବା ଜଣାପଡ଼ିଛି ।
ଭାରତ ଏବଂ ଓଡି଼ଶାରେ ଶିଶୁଙ୍କ ଶାରୀରିକ ଅଭିବୃଦ୍ଧି ଜନିତ ସମସ୍ୟା ଏବଂ ପୁଷ୍ଟିହୀନତାର ସ୍ଥିତି, ସମାଜର ଅର୍ଥନୀତି ଉପରେ ଶିଶୁର ଶାରିରୀକ ବିକାଶଜନିତ ସମସ୍ୟାର ପ୍ରଭାବ, ଶିଶୁ ଜୀବନରେ ପ୍ରଥମ ୧ ହଜାର ଦିନ, ପାକସ୍ଥଳୀ ଜନିତ ସଂକ୍ରମଣ ଏବଂ ନବଜାତ ଶିଶୁଙ୍କ କ୍ଷେତ୍ରରେ ଦେଖାଯାଉଥିବା ସଂକ୍ରମଣ ହେଉଛି ଗୁରୁତ୍ବପୂର୍ଣ୍ଣ ବିଷୟ । ଏଥିପାଇଁ ଆବଶ୍ୟକ ଗବେଷଣାର ରୂପରେଖ ପ୍ରସ୍ତୁତ କରିବା ସହ ଏହି ସମସ୍ୟାର ଦୀର୍ଘକାଳୀନ ସମାଧାନ ପାଇଁ ଏକ ରୋଡ ମ୍ୟାପ ପ୍ରସ୍ତୁତ କରିବା ହେଉଛି ଏହି କର୍ମଶାଳାର ମୁଖ୍ୟ ଉଦ୍ଦେଶ୍ୟ ।