ଭୁବନେଶ୍ବର: ଏବେବି ଆମ ସମାଜରେ ଝିଅଟିଏ ନିଜକୁ ସୁରକ୍ଷିତ ମଣୁନାହିଁ । ଘର ପରିବାର ଠାରୁ ଆରମ୍ଭ କରି ସମାଜର ବିଭିନ୍ନ ସ୍ତରରେ ନିର୍ଯାତନା, ଶୋଷଣ ଓ ପକ୍ଷପାତିତାର ଶିକାର ହେଉଛି । ଏଭଳି ମାନସିକତାରେ ପରିବର୍ତ୍ତନ ପାଇଁ ବ୍ୟାପକ ସଚେତନତାର ଆବଶ୍ୟକତା ରହିଛି । ରାଜଧାନୀରେ ଅନ୍ତର୍ଜାତୀୟ ବାଳିକା ଦିବସ ପାଳିନ ଅବସରରେ ଯୋଗ ଦେଇଥିବା ଅତିଥି ଉପରୋକ୍ତ ମନ୍ତବ୍ୟ ଦେଇଛନ୍ତି ।
ଭିଡିଓ ସୌଜନ୍ୟ:ପ୍ରତିନିଧି, ଭୁବନେଶ୍ବର
ଆଜି ବି ଝିଅମାନଙ୍କୁ ଯେଭଳି ଶିକ୍ଷା, ସୁରକ୍ଷା ଓ ଆଦର ମିଳିବା କଥା ସେହି ପରିମାଣରେ ମିଳୁନାହିଁ। ପରିବାରରେ ଝିଅଟିଏ ଜନ୍ମ ହେଲେ ମନଦୁଃଖ କରୁଥିବାବେଳେ ପୁଅ ପାଇଁ ଖୁସି ହେଉଥିବା ଦେଖିବାକୁ ମିଳୁଛି । ବିଭିନ୍ନ କାରଣରୁ ସେମାନଙ୍କ ବାଲ୍ୟ ବିବାହ କରାଇ ଦିଆଯାଉଛି ବୋଲି ମତ ପ୍ରକାଶ ପାଇଛି ।