ଭୁବନେଶ୍ବର: ପ୍ରସୂତୀଙ୍କ ଖାଦ୍ୟରେ ବିଷାକ୍ତ ପୋକ। ଏନେଇ କ୍ୟାପିଟାଲ ହସ୍ପିଟାଲ ପରିସରରେ ଉତ୍ତେଜନାମୂଳକ ପରିସ୍ଥିତି ଦେଖାଦେଇଛି। ଏ ଘଟଣାକୁ ନେଇ ହସ୍ପିଟାଲ କତ୍ତୃପକ୍ଷ 2 ଜଣଙ୍କୁ କାରଣ ଦର୍ଶାଅ ନୋଟିସ ଜାରି କରିବା ସହ ଦୁଇ ଦିନ ମଧ୍ୟରେ ଏହାର ଜବାବ ରଖିବାକୁ କହିଛନ୍ତି।
ଗତକାଲି ସକାଳ ସମୟରେ ପ୍ରସୂତିଙ୍କୁ ସକାଳ ଜଳଖିଆ ଦିଆଯାଉଥିବା ବେଳେ ଏଥିରେ ଏକ ବିଷାକ୍ତ ପୋକ ବାହାରିଥିଲା। ଯାହାକୁ ନେଇ ଘଟଣାସ୍ଥଳରେ ତୀବ୍ର ଉତେଜନା ପ୍ରକାଶ ପାଇବା ସହ ହସ୍ପିଟାଲର ଚିତ୍ର ପଦାକୁ ଆସିଥିଲା। ଘଟଣା ପରେ କ୍ୟାପିଟାଲ ହସ୍ପିଟାଲର ଅଧିକ୍ଷକ ନାରାୟଣ ସେଠି ଏକ ନୋଟିସ ଜାରି କରିଛନ୍ତି। ନୋଟିସ ଜାରି ହୋଇଥିବା 2 ଜଣ ବ୍ୟକ୍ତି ହେଲେ ଡାଇଟିସିଆନ ଓ ଅନ୍ୟ ଜଣେ ପ୍ରସୂତୀଙ୍କୁ ଖାଦ୍ୟ ଦେଉଥିବା ହସ୍ପିଟାଲର କର୍ମଚାରୀ।
ପ୍ରସୂତୀଙ୍କ ଖାଦ୍ୟରେ ପୋକ ପଡିବା ଘଟଣା, ଦୁଇ ଜଣଙ୍କୁ ନୋଟିସ ଜାରି