ଭୁବନେଶ୍ବର:ନିଜ ନିଜ ରାଜ୍ୟକୁ ଫେରିଲେ ଓଡିଶା ଆସିଥିବା ଭାରତୀୟ ହକି ଟିମ । ଆଜି(ବୁଧବାର) ବିଜୁ ପଟ୍ଟନାୟକ ବିମାନବନ୍ଦରରୁ ନିଜ ରାଜ୍ୟକୁ ଫେରିଛନ୍ତି ଉଭୟ ମହିଳା ଓ ପୁରୁଷ ହକି ଦଳ । ମୁଖ୍ୟମନ୍ତ୍ରୀଙ୍କ ନିମନ୍ତ୍ରଣ ପାଇ ଗତକାଲି(ମଙ୍ଗଳବାର) ଓଡିଶା ଆସିଥିଲେ ଉଭୟ ଟିମ ।
ନିଜ ନିଜ ରାଜ୍ୟକୁ ଫେରିଲେ ଭାରତୀୟ ହକି ଟିମ
ଟୋକିଓ ଅଲିମ୍ପିକ୍ସରେ ବ୍ରୋଞ୍ଚ ପଦକ ଜିତିଥିବା ଭାରତୀୟ ପୁରୁଷ ହକି ଦଳ ଓ ଦମଦାର ପ୍ରଦର୍ଶନ କରି ଚତୁର୍ଥ ସ୍ଥାନ ହାସଲ କରିଛି ମହିଳା ହକି ଦଳ । ଉଭୟ ଦଳର ଚମତ୍କାର ପ୍ରଦର୍ଶନ ପାଇଁ ସେମାନଙ୍କୁ ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ । ଖେଳାଳିଙ୍କ ସ୍ବାଗତ ପାଇଁ ରାଜଧାନୀର ରାଜରାସ୍ତାଠାରୁ ନେଇ କଳିଙ୍ଗ ଷ୍ଟାଡିୟମ ସଜେଇ ହୋଇଥିଲା । ପୂର୍ବାହ୍ନ ୧୧ଟାରେ ଖେଳାଳି ମାନେ ବିମାନବନ୍ଦରରେ ପହଞ୍ଚିଥିଲେ । ସେଠାରେ ସେମାନଙ୍କୁ ସ୍ବାଗତ କରାଯିବା ପରେ କଡା ସୁରକ୍ଷା ବଳୟ ମଧ୍ୟରେ ହୋଟେଲକୁ ନିଆଯାଇଥିଲା ।