ଭୁବନେଶ୍ବର: ଦେଶରେ ବଢିଛି ଜଙ୍ଗଲ । ରାଜ୍ୟରେ ମଧ୍ୟ ଆଶା ଅନୁଯାୟୀ ବଢିଛି । ରାଜ୍ୟରେ 274 ବର୍ଗ କିଲୋମିଟର ଜଙ୍ଗଲ ବଢିଛି । 2017 ତୁଳନାରେ ଚଳିତବର୍ଷ ଏହା ବୃଦ୍ଧି ପାଇଛି । ରାଜ୍ୟର ମୋଟ ଭୂଭାଗ ଅଞ୍ଚଳର 33.15% ଜଙ୍ଗଲ ରହିଛି ।
‘ଇଣ୍ଡିଆ ଷ୍ଟେଟ ଫରେଷ୍ଟ’ ରିପୋର୍ଟ ଅନୁସାରେ ଭୌଗୋଳିକ ଆୟତନ ଦୃଷ୍ଟିରୁ ଓଡିଶା ହେଉଛି ଦେଶର ଚତୁର୍ଥ ବୃହତ ରାଜ୍ୟ । ମଧ୍ୟପ୍ରଦେଶ, ଅରୁଣାଚଳ ପ୍ରଦେଶ, ଛତିଶଗଡ ପରେ ଓଡିଶାର ସ୍ଥାନ ରହିଛି । ମଧ୍ୟପ୍ରଦେଶ 77,482 ବର୍ଗ କିମି, ଅରୁଣାଚଳ ପ୍ରଦେଶ 66,688, ଛତିଶଗଡରେ 55,611 ବର୍ଗ କିଲୋମିଟର ଜଙ୍ଗଲ ରହିଛି । ଏହାପଛକୁ ରହିଛି ଓଡିଶା । 51, 619 ବର୍ଗ କିଲୋମିଟର ଜଙ୍ଗଲ ରହିଛି । ସେହିପରି 2017 ତୁଳନାରେ 8 ପ୍ରତିଶତ ନଳବନ ସୃଷ୍ଟି ହୋଇଛି । ଏବେ ରାଜ୍ୟରେ ଦେଶର 5.04% ନାଳବନ ରହିଛି । ପଶ୍ଚିମବଙ୍ଗ ରେ ସର୍ବାଧିକ 42.45% ରହିଛି ।