ଭୁବନେଶ୍ବର: କୋରୋନା କବଳରେ ଶିଶୁ । ରାଜ୍ୟରେ ବଢୁଛି ଶିଶୁଙ୍କୁ କୋରୋନା ସଂକ୍ରମଣ । ୩ ଦିନରେ ୩୩୮ ଜଣ ଶିଶୁ କରୋନାରେ ଆକ୍ରାନ୍ତ ହେଲେଣି । ତେବେ ଶିଶୁ ସଂକ୍ରମଣ ତଥ୍ୟ ଉପରେ ସପ୍ତାହେ ନଜର ରଖିବା ପରେ କିଛି ପଦକ୍ଷେପ ନେଇ ହେବ ବୋଲି କହିଛନ୍ତି DMET ସିବିକେ ମହାନ୍ତି ।
୩ଦିନରେ ୩୩୮ ଶିଶୁ କୋରୋନା ସଂକ୍ରମିତ
ସେ ଆହୁରି ମଧ୍ୟ କହିଛନ୍ତି ଯେ ବର୍ତ୍ତମାନ ରାଜ୍ୟରେ ସଂକ୍ରମଣ ନିମ୍ନଗାମୀ ହେଉଛି, ଆମେ ଭାବୁଛୁ ଦ୍ଵିତୀୟ ଲହର ସରିଆସୁଛି, କିନ୍ତୁ ସମ୍ପୂର୍ଣ୍ଣ ସରିନାହିଁ । ରାଜ୍ୟରେ ଶିଶୁଙ୍କ ସଂକ୍ରମଣ ପିଆଇବି ରିପୋର୍ଟ ଅନୁସାରେ ଦୈନିକ ୧୨ ପ୍ରତିଶତ ପାଖାପାଖି ରହୁଛି । ଯେହେତୁ ଯୁବଗୋଷ୍ଠୀ ଓ ବୟସ୍କ ବର୍ଗର ଲୋକମାନେ ପୂର୍ବରୁ କୋଭିଡ ସଂକ୍ରମିତ ହୋଇସାରି ଟିକା ନେଇସାରିଥିବା ବେଳେ ଏବେ ଶିଶୁଙ୍କୁ ଅଧିକ ସଂକ୍ରମଣର ଆଶଙ୍କା ରହୁଛି ।