ଭୁବନେଶ୍ବର: କୋଭାକ୍ସିନ ଟିକା ନେଲେ ବିଦେଶ ଭ୍ରମଣ ଉପରେ ବାରଣ କରାଯାଇଛି । ଏହାକୁ ନେଇ ତୁରନ୍ତ ସଂଶୟ ଦୂର କରିବାକୁ ଦାବି କଲେ ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ। କୋଭାକ୍ସିନ୍ ଟୀକାକୁ ନେଇ ବିଜେପି ଓ ବିଜେଡି ମୁହାଁମୁହିଁ ହେବା ପରେ କଂଗ୍ରେସ ପ୍ରତିକ୍ରିୟା ରଖିଛି ।
କୋଭାକ୍ସିନ୍ ଟିକାକୁ ନେଇ କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି ଯେ ବିଜେପି କହୁ ବା ବିଜେଡ଼ି କହୁ, ଆଉ ଏ ପ୍ରହସନ କରନାହିଁ । ଟୀକାକୁ ନେଇ ରାଜନୀତି କରନାହିଁ । ଯଦି କୋଭାକ୍ସିନ ନେଲେ ବିଦେଶ ଯାଇହେବ ନାହିଁ, ତାହେଲେ ଆମ ପିଲାଙ୍କ ଜୀବନକୁ ଅନ୍ଧକାର କରାଯାଉଛି । ଆଗରୁ କୋଭିସିଲ୍ଡ ଟୀକା ଦିଆଯାଉଥିଲା । ତାକୁ ହିଁ ସବୁ ଅଞ୍ଚଳରେ ଦେଲେନାହିଁ କଣ ପାଇଁ ସରକାର । ଏଭଳି ପ୍ରହସନ କାହିଁକି କଲେ । ସସ୍ପେନସ କାହିଁକି ରଖୁଛନ୍ତି । ଏମିତି କରି ସରକାର ଭୁଲ କରୁଛନ୍ତି । ତୁରନ୍ତ ସଂଶୋଧନ କରନ୍ତୁ । ଯେଉଁ ଟୀକା ଦେଉଛ ଗୋଟିଏ ଦିଅ । କୋଭିଡ ତୃତୀୟ ଲହରରେ ଶିଶୁଙ୍କ ଚିକିତ୍ସା ପାଇଁ ଭିତ୍ତିଭୂମି ପ୍ରସ୍ତୁତି ପ୍ରସଙ୍ଗ । କୋରୋନାର ତୃତୀୟ ଲହର ଆସୁଛି । ଏହା ଅଧିକ ମାତ୍ରରେ ଶିଶୁ ମାନଙ୍କୁ ସଂକ୍ରମିତ କରିବ । କିନ୍ତୁ ରାଜ୍ୟ ସରକାର କୌଣସି ଡାକ୍ତରଖାନାରେ କିଛି ବ୍ୟବସ୍ଥା କରିନାହାଁନ୍ତି । ଶିଶୁ ରୋଗ ବିଶେଷଜ୍ଞ ନାହାନ୍ତି, ମେଡିସିନ ନାହିଁ, ଭେଣ୍ଟିଲେଟର ନାହିଁ, ଯନ୍ତ୍ରପାତି ନାହିଁ, ବେଡ଼ ନାହିଁ, ସ୍ବତନ୍ତ୍ର ଡାକ୍ତରଖାନାର ଅଭାବ ।