ଭୁବନେଶ୍ବର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ମହିଳା ମହାବିଦ୍ୟାଳୟର ପଦାର୍ଥବିଜ୍ଞାନ ବିଭାଗର ଅଧ୍ୟାପିକାଙ୍କ ଆତ୍ମହତ୍ଯା ମାମଲାରେ ଦୁଇ ପୋଲିସ ଅଧିକାରୀ ନିଲମ୍ବିତ । କାର୍ଯ୍ୟରେ ଚରମ ଅବହେଳା ପାଇଁ ଝାରପୋଖରିଆ ଥାନା ଆଇଆଇସି ଶରତ ଚନ୍ଦ୍ର ମହାଳିକଙ୍କୁ ସୋମବାର ନିଲମ୍ବିତ କରିଛନ୍ତି ପୋଲିସ ଡିଜି । ମହାଳିକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ତାଙ୍କୁ ରବିବାର ଜିଲ୍ଲା ପୋଲିସ ହେଡକ୍ବାଟର୍ସକୁ ବଦଳି କରାଯାଇଥିଲା । ଏହାସହ ରବିବାର ତଦନ୍ତ ଅଧିକାରୀ ପ୍ରଶାନ୍ତ ସ୍ବାଇଁ ନିଲମ୍ବିତ ହୋଇଥିଲା ।
ସିରିୟସ ନେଲେନି କେସ,ଆଇଆଇସି ହେଲେ ସସପେଣ୍ଡ
ସୂଚନା ଅନୁସାରେ, ଦୁଷ୍କର୍ମ ଘଟଣାରେ ଝାରପୋଖରିଆ ଥାନାରେ 30,10,2019ରେ କେସ ନମ୍ବର ୧୨୫ ଅଭିଯୋଗରେ ଆଇପିସିର ସେକ୍ସନ ୩୭୬ ଓ ୫୦୬ରେ ଏକ ମାମଲା ରୁଜୁ ହୋଇଥିଲା । ହେଲେ ତଦନ୍ତ ଓ ପରିଚାଳନା କ୍ଷେତ୍ରରେ ଥାନାଧିକାରୀଙ୍କ ଅବହେଳା ପ୍ରଦର୍ଶନ ଯୋଗୁ ରାଇରଙ୍ଗପୁର ମହିଳା ଅଧ୍ୟାପିକ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।