କ୍ବାରେଣ୍ଟାଇନରେ ରହିଲେ ମିଳିବ ଟଙ୍କା, ବିଜେପିର ଅଭିଯୋଗ ଭିତ୍ତିହୀନ

କ୍ବାରେଣ୍ଟାଇନରେ ଟଙ୍କା ମିଳୁନଥିବା ପ୍ରସଙ୍ଗରେ ବିରୋଧି ବିଜେପିର ମନ୍ତବ୍ୟ ଉପରେ ପ୍ରତିକ୍ରିୟା ରଖିଛନ୍ତି ବିଜେଡ଼ି ସାସଂଦ ସସ୍ମିତ ପାତ୍ର । ଅଧିକ ପଢନ୍ତୁ..

ଭୁବନେଶ୍ବର: କ୍ବାରେଣ୍ଟାଇନରେ ଟଙ୍କା ମିଳୁନଥିବା ପ୍ରସଙ୍ଗରେ ବିଜେପିର ପତିକ୍ରିୟାକୁ ନେଇ ସସ୍ମିତ ପାତ୍ରଙ୍କ କାଉଣ୍ଟର । କୋଭିଡ ଟେଷ୍ଟ କେନ୍ଦ୍ର ସରକାରଙ୍କର ଗାଇଡ଼ ଲାଇନ ଅନୁସାରେ କରାଯାଉଛି । ଏପରି ମନ୍ତବ୍ୟ ଭିତ୍ତିହୀନ । ବିଜେପି ପ୍ରଥମେ ଗାଇଡ଼ ଲାଇନ ଦେଖୁ । ଭିତ୍ତିହୀନ ମନ୍ତବ୍ୟ ଦେବା ପୂର୍ବରୁ କେନ୍ଦ୍ରସରକରଙ୍କର ଗାଇଡ଼ ଲାଇନ ପ୍ରଥମେ ଦେଖନ୍ତୁ ବୋଲି ସସ୍ମିତ ପାତ୍ର କହିଛନ୍ତି।

ଅନ୍ୟପଟେ କ୍ବାରେଣ୍ଟାଇନ ପରେ ଟଙ୍କା ଦିଆନଯିବା ପ୍ରସଙ୍ଗରେ କହିଛନ୍ତି ଯେ ସରକାର ଏହା ଦେବା ପାଇଁ ପ୍ରତିବଦ୍ଧ । କେବେ ବି ଅନିୟମିତତା ହୋଇନାହିଁ କି ହେବ ନାହିଁ। ଯେଉଁମାନେ ସନ୍ତୋଷ ଜନକ ଭାବରେ କ୍ବାରେଣ୍ଟାଇନରେ ଶେଷ କରୁଛନ୍ତି ତାଙ୍କୁ ରାଜ୍ୟସରକାର ଘୋଷଣା ମୁତାବକ 2000 ଟଙ୍କା ଦିଆଯାଉଛି । ବିଜେଡି ପକ୍ଷରୁ ଅନୁରୋଧ ଏହି ସମୟ ଆସିଛି ଆମେ ସମସ୍ତେ ମିଳିମିଶି ଅନ୍ୟ କୌଣସି ଚିନ୍ତା ନକରି କୋରୋନା ବିରୋଧରେ ସଭିଏଁ ଲଢ଼ିବା ଉଚିତ ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ