ଭୁବନେଶ୍ବର: ବରିଷ୍ଠ ଆଇଏଏସ ଅଫିସର ଆଦିତ୍ୟ ପ୍ରସାଦ ପାଢୀଙ୍କୁ ମିଳିଛି ନୂଆ ଦାୟିତ୍ବ । ରାଜ୍ୟ କମିଶନର ଭାବେ ତୁଲାଇବେ ଦାୟିତ୍ବ । ଦାୟିତ୍ବ ମିଳିବା ପରେ ତ୍ରିସ୍ତରୀୟ ପଞ୍ଚାୟତ ଓ ପୌର ନିର୍ବାଚନ ପରିଚାଳନା ଚ୍ୟାଲେଞ୍ଜ ହେବ ବୋଲି କହିଛନ୍ତି ଆଦିତ୍ୟ ପାଢୀ ।
ନିର୍ବାଚନ କମିଶନର ନିଯୁକ୍ତି ପାଇଲା ପରେ ଆଦିତ୍ୟ ପ୍ରସାଦ ପାଢୀ ଏହି ଦାୟିତ୍ବ ଗ୍ରହଣ କରିବାକୁ ମାନସିକ ସ୍ତରରେ ପ୍ରସ୍ତୁତ ହୋଇସାରିଛନ୍ତି । କାହିଁକିନା କାର୍ମିକ ମନ୍ତ୍ରାଳୟର ନିୟମ ଅନୁସାରେ, ଭାରତ ସରକାରଙ୍କ ଜଣେ ଅଫିସର ସ୍ବେଚ୍ଛାକୃତ ଅବସର ପାଇଁ ଆବେଦନ କଲେ 3 ମାସର ସମୟ ଲାଗିଥାଏ ଉକ୍ତ ଅଫିସରଙ୍କୁ ମୁକ୍ତ କରିବା ପାଇଁ । କିନ୍ତୁ ଆଦିତ୍ୟ ପାଢୀ ତୁରନ୍ତ ତାଙ୍କୁ ଦାୟିତ୍ବରୁ ଅବ୍ୟାହତି ଦେବା ପାଇଁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି । ଯଦ୍ବାରା ଆସନ୍ତା 19 ତାରିଖ ସୁଦ୍ଧା ରାଜ୍ୟ ନିର୍ବାଚନ କମିଶନର ଦାୟିତ୍ବ ଗ୍ରହଣ କରି ପାରିବେ ବୋଲି କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ