ଭୁବନେଶ୍ବର: ଆଜି ପୁରା ଦେଶ ପାଳୁଛି 73 ତମ ସ୍ବାଧୀନତା ଦିବସ । ସବୁଆଡେ ଫରଫର ହୋଇ ଉଡୁଛି ତ୍ରିରଙ୍ଗା । ତେବେ ରାଜଧାନୀର ପ୍ରଦର୍ଶନୀ ପଡିଆରେ 73 ତମ ସ୍ବାଧୀନତା ଦିବସ ପାଳିତ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପତାକା ଉତ୍ତୋଳନ କରିବା ସହ ମିଳିତ ପରେଡରେ ଅଭିବାଦନ ଗ୍ରହଣ କରିଥିଲେ ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
ତେବେ ଏହି ଅବସରରେ ମହାତ୍ମା ଗାନ୍ଧୀଙ୍କ ସ୍ମୃତିରେ ଏକ ପ୍ରଦର୍ଶନୀ କାର୍ଯ୍ୟକ୍ରମ ରଖାଯାଇଥିଲା । ଏଥିରେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ । ଏହି ପ୍ରଦର୍ଶନୀ ତିନିଦିନ ଧରି ଚାଲିବ । ଏଠାରେ ଜାତିର ପିତା ମହାତ୍ମା ଗାନ୍ଧୀ ବ୍ୟବହାର କରିଥିବା ସାମଗ୍ରୀ, ସମସ୍ତ ଅଭିଯାନର ଫଟୋକୁ ସାଇତା ରଖାଯାଇ ଏହି ପ୍ରଦର୍ଶନୀ ମେଳା କରାଯାଇଛି।