ଭୁବନେଶ୍ବର: ଦେଶରେ ଚଳିତ ମାସରୁ କାର୍ଯ୍ୟକାରୀ ହୋଇଛି ନୂଆ ମଟର ଯାନ ଆଇନ । ବୃଦ୍ଧି ପାଉଥିବା ଦୁର୍ଘଟଣା ସହ ଧନ ଜୀବନକୁ ସୁରକ୍ଷିତ ରଖିବା ପାଇଁ କେନ୍ଦ୍ର ସରକାର ନୂଆ ମୋଟର ଯାନ ଆଇନ ପ୍ରଚଳନ କରିଛନ୍ତି । ରାଜ୍ୟ ସରକାର ମଧ୍ୟ ଏହାକୁ ତୁରନ୍ତ ଲାଗୁ କରିଥିଲେ । ହେଲେ ମୋଟା ଅଙ୍କର ଫାଇନ ସହ ଲୋକଙ୍କୁ ବିନା ସଚେତନରେ ଏହି ଆଇନ ଲାଗୁ ହୋଇଥିବାରୁ ସାଧାରଣ ଲୋକେ ଏହାର କଡା ଜବାଜ ଦେଇଥିଲେ । ଫଳରେ ସରକାର ଚାପରେ ଆସି ଆଇନକୁ 3ମାସ କୋହଳ କରିଛନ୍ତି ।
ହେଲେ ସରକାରଙ୍କୁ ଏବେ ମହଙ୍ଗା ପଡିପାରେ ଆଇନ କୋହଳ କରିଥିବାରୁ । ରାଜ୍ୟ ମାନବାଧିକାର କମିଶନ ଏନେଇ ପ୍ରଶ୍ନ ଉଠାଇବା ସହ ସରକାରଙ୍କ ଠାରୁ ଜବାବ ତଲବ କରିଛନ୍ତି । ମାନବାଧିକାର କମିଶନ କହିଛନ୍ତି ଯଦି ଏହି 3ମାସ ମଧ୍ୟରେ ରାଜ୍ୟରେ କୌଣସି ଦୁର୍ଘଟଣା ଘଟେ କିଏ ଦାୟୀ ରହିବେ ? କମିଶନ ପ୍ରଶ୍ନ କରିଛନ୍ତି ଅଭ୍ୟାସ ଗତ ଭାବେ ଆଇନ ଉଲ୍ଲଙ୍ଘନକାରୀଙ୍କ ପ୍ରାଦୁର୍ଭାବ ବଢିଚାଲିଛି। ସ୍କୁଲ ପିଲାଙ୍କୁ ନେଇ ଯାଉଥିବା ବିଭିନ୍ନ ଗାଡିର ମଧ୍ୟ ନିୟମିତ ଯାଞ୍ଚ ହେଉନି । ଖାଲି ଏତିକି ନୁହେଁ ଟ୍ରାଫିକ କର୍ମଚାରୀ ଓ ଜନତା ମଧ୍ୟରେ ଆକ୍ରଶମୂଳକ ଲଢେଇ ମଧ୍ୟ ହେଉଛି ।