ଭୁବନେଶ୍ବର: ଆଗକୁ ଆସୁଛି ମା ଦୁର୍ଗାଙ୍କ ଦଶହରା ପୂଜା। ଏଥିପାଇଁ ଗାଁରୁ ସହର ସବୁ ଉତ୍ସବ ମୁଖର। ଦଶହରାରେ ମାଙ୍କ ପୂଜାର୍ଚ୍ଚନା ସାଙ୍ଗକୁ ଦାଣ୍ଡିଆ ନାଚର ମଧ୍ୟ ବିଶେଷ ଆକର୍ଷଣ ରହିଛି । ଏଥଇପାଇଁ ରାଜଧାନୀର ବିଭିନ୍ନ ସ୍ଥାନରେ ଦେଖିବାକୁ ମିଳୁଛି ଦାଣ୍ଡିଆ ପ୍ରସ୍ତୁତି । ଲୋକଙ୍କୁ ନିଜର ଡାନ୍ସ ଫ୍ଲୋରକୁ ଆକୃଷ୍ଟ କରିବା ପାଇଁ ଦିଆଯାଉଛି ବିଭିନ୍ନ ମନଲୋଭା ଅଫର।
ଅନ୍ୟପଟେ ଭୁବନେଶ୍ବର ସ୍ଥିତ ଏଚଏଚଆଇ ହୋଟେଲ ନିଜର ଫ୍ୟୁଜନ ଖାଦ୍ୟ ମାଧ୍ୟମରେ ଲୋକଙ୍କୁ ଆକର୍ଷଣ କରିବା ପାଇଁ ଅଣ୍ଟା କସିଛି। ଓଡ଼ିଆ ଖାଦ୍ୟ ସହ ଗୁଜୁରାଟୀ ଖାଦ୍ୟର ଫ୍ୟୁଜନ ହେବ । ଏହାସହ ଓଲିଉଡ ଓ ବଲିଉଡର ଅନେକ ଗାୟକ ଆସି ଦାଣ୍ଡିଆରେ ଯୋଗ ଦେବେ ବୋଲି ମଧ୍ୟ ଆୟୋଜକ ହୋଟେଲର କର୍ତ୍ତୃପକ୍ଷ ସୂଚନା ଦେଇଛନ୍ତି । ୟାହା ରାଜଧାନୀବାସୀଙ୍କ ମନ ଜିଣିବା ସହ ମନୋରଞ୍ଜନ ଯୋଗାଇ ଦେବ ବୋଲି ଆଶା ରଖିଛନ୍ତି ଅନେକ ଆୟୋଜକ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
