ଭୁବନେଶ୍ବର: କଏଦୀ ଓ ଅଭିଯୁକ୍ତଙ୍କ ପାଇଁ ନୂଆ କୋଭିଡ ଏସଓପି ଜାରି । ଏନେଇ ଜେଲ ବିଭାଗ, ଡିଜି ଓ ଆଇଜିଙ୍କ ସହ ସ୍ବାସ୍ଥ୍ୟ ସଚିବଙ୍କୁ ଗୃହ ପକ୍ଷରୁ ଏକ ଚିଠି ପଠାଯାଇଛି ।
କଏଦୀ ଓ ଅଭିଯୁକ୍ତଙ୍କ ପାଇଁ ନୂଆ କୋଭିଡ ଏସଓପି, ଡିଜି ଓ ଆଇଜିଙ୍କ ସହ ଜେଲ ବିଭାଗକୁ ଚିଠି ଏଣିକି କଏଦୀ ରିମାଣ୍ଡରେ ଗଲେ ପ୍ରଥମେ ସ୍କ୍ରିନିଂ ଟେଷ୍ଟ କରିବା ନିହାତି ଆବଶ୍ୟକ । ଯଦି କୌଣସି କଏଦୀଙ୍କୁ ରିମାଣ୍ଡରେ ନିଆଯାଏ କୋଭିଡ ଟେଷ୍ଟ ବା ରାଟ୍ ଟେଷ୍ଟ ହେବା ନିହାତି ଆବଶ୍ୟକ । ଆଉ ରାଟ ବା ରାପିଡ ଆଣ୍ଟିଜେନ ଟେଷ୍ଟ ନେଗେଟିଭ ହୁଏ ତେବେ ଅଭିଯୁକ୍ତ ରିମାଣ୍ଡରେ ଯାଇପାରିବେ । ଯଦି କୋଭିଡ ପଜିଟିଭ ହୁଅନ୍ତି ତେବେ କୋଭିଡ କେୟାର ସେଣ୍ଟର ନଚେତ କୋଭିଡ ହେଲଥ ସେଣ୍ଟର ବା କୋଭିଡ ହସ୍ପିଟାଲକୁ ପଠାଇବା ନେଇ ଏସଓପିରେ ଉଲ୍ଲେଖ ହୋଇଛି । ଜିଲ୍ଲା ହସ୍ପିଟାଲର ସିଡିଏମଓ ଏନେଇ କଏଦୀ ବା କୋର୍ଟକୁ ଫରୱାର୍ଡ ହେଉଥିବା ଅଭିଯୁକ୍ତଙ୍କୁ ପ୍ରାୟୋରିଟି ବେସିସରେ ଟେଷ୍ଟ କରିବାକୁ ନିର୍ଦ୍ଦେଶ ରହିଛି ।
କଏଦୀ ଓ ଅଭିଯୁକ୍ତଙ୍କ ପାଇଁ ନୂଆ କୋଭିଡ ଏସଓପି, ଡିଜି ଓ ଆଇଜିଙ୍କ ସହ ଜେଲ ବିଭାଗକୁ ଚିଠି ଏଥିସହ ଯଦି କଏଦୀ ରିମାଣ୍ଡ ପୂର୍ବରୁ ପଜିଟିଭ ହୋଇଥାନ୍ତି ତେବେ ତାଙ୍କୁ କୋଭିଡ କେୟାର ହସ୍ପିଟାଲ ନଚେତ କୋଭିଡ କେୟାର ସେଣ୍ଟରକୁ ପଠାଇବା ବାଧ୍ୟତାମୂଳକ । ଏଥିପାଇଁ ପୋଲିସ ଏସକର୍ଟ ଦେବାକୁ ବାଧ୍ୟତାମୂଳକ । ସେହିପରି ଏସକର୍ଟ ଦେଉଥିବା ପୋଲିସ ଯଦି ରୋଗୀକୁ କୋଭିଡ କେୟାର ବା ସେଣ୍ଟରକୁ ନେବା ସମୟରେ ଏସକର୍ଟ ଦେଉଥିଲେ ପରବର୍ତ୍ତୀ ସମୟରେ ତାଙ୍କୁ ୧୪ ଦିନ କ୍ବାରେନଣ୍ଟାଇନ ବା ହୋମ ଆଇସୋଲେସନରେ ରହିବାକୁ ବାଧ୍ୟ । ଯଦି ନୂଆ ଅଭିଯୁକ୍ତକୁ କୋର୍ଟ ଚାଲାଣ କରାଯାଏ ତେବେ ତାଙ୍କୁ ପିପିଇ କିଟ ପିନ୍ଧି ଏସକର୍ଟ ଦେବେ । ଏଥିସହ ଭର୍ଚୁଆଲ ଫର୍ମାଟରେ କୋର୍ଟ ଉପସ୍ଥାପନା କରିବାକୁ ନିର୍ଦ୍ଦେଶ ରହିଛି । ତେବେ କୋଭିଡ ପଜିଟିଭ କଏଦୀଙ୍କ ରିପୋର୍ଟକୁ ନେଇ ରିମାଣ୍ଡ ପରେ କୋର୍ଟଙ୍କ ଅନୁମତି କ୍ରମେ କୋର୍ଟରେ ହାଜର କରିବାକୁ ଏବଂ ଜେଲକୁ ପଠାଯିବା ନେଇ ଏସଓପିରେ ଉଲ୍ଲେଖ କରାଯାଇଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
