ଭୁବନେଶ୍ୱର: ହକି ସିରିଜ ଫାଇନାଲ ମୁକାବିଲାକୁ ଆଉ ମାତ୍ର ଗୋଟିଏ ଦିନ। ଏଥିପାଇଁ ଭୁବନେଶ୍ୱରରେ ପହଞ୍ଚି ସାରିଥିବା ହକି ଟିମ ଆରମ୍ଭ କରିଛି ଜୋରଦାର ଅଭ୍ୟାସ। ମ୍ୟାଚ ପୂର୍ବରୁ ନିଜ ନିଜର ଦୋଷ ଦୁର୍ବଳତାକୁ ସୁଧାରିବା ସହ ବିପକ୍ଷ ଦଳକୁ ପରାଜିତ କରିବା ପାଇଁ ରଣନୀତି ପ୍ରସ୍ତୁତିରେ ବ୍ୟସ୍ତଥିବା ପ୍ରତିପକ୍ଷ ଟିମ ଭାରତ ସହିତ ଫାଇନାଲ ଖେଳିବାକୁ ଇଚ୍ଛା ପ୍ରକାଶ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି ଭୁବନେଶ୍ବର
ପ୍ରତିଯୋଗିତା ପୂର୍ବରୁ ଆଜି ସମସ୍ତ ଟିମର ସଦସ୍ୟମାନେ ଆୟୋଜିତ ସାମ୍ବାଦିକ ସମ୍ମିଳନୀରେ ଏକଥା ପ୍ରକାଶ କରିଛନ୍ତି। ସମ୍ପୂର୍ଣ୍ଣ ପ୍ରତିଯୋଗିତାରେ ଭାରତ ଉଚ୍ଚ ମାନ୍ୟତା ପ୍ରାପ୍ତ ଦଳ । ଏହାସହ ଘରୋଇ ଗ୍ରାଉଣ୍ଡରେ ଖେଳ ହେଉଥିବାରୁ ଭାରତ ଫାଇନାଲରେ ପ୍ରବେଶ କରିବାକୁ ଦାବିଦାର ବୋଲି ସେମାନେ କହିଛନ୍ତି।
ସାମ୍ବାଦିକ ସମ୍ମିଳନୀରେ ଦଳ ଗୁଡିକ ସେମାନଙ୍କ ପ୍ରସ୍ତୁତି ନେଇ ସନ୍ତୁଷ୍ଟ ଥିବା ବେଳେ ଟୋକିଓ ଅଲମ୍ପିକ ପାଇଁ ପରବର୍ତ୍ତୀ ପର୍ଯ୍ୟାୟକୁ ଉଠିବାକୁ ସମ୍ପୂର୍ଣ୍ଣ ଫୋକ୍ସରେ ରହିଥିବା କହିଛନ୍ତି।