ଭୁବନେଶ୍ବର:ପିଜି ଓ ଡିଗ୍ରୀ ପାଠ୍ୟକ୍ରମରେ ନାମଲେଖା ପାଇଁ ବିଜ୍ଞପ୍ତି ଜାରି କଲା ଉଚ୍ଚ ଶିକ୍ଷା ବିଭାଗ। 2020-21 ବର୍ଷ ପାଠ୍ୟକ୍ରମରେ ସ୍ପଟ ଆଡିମିଶନ ପାଇଁ ସମୟସୀମା ଓ ନିର୍ଦ୍ଦେଶାବଳୀ ଜାରି ହୋଇଛି। ଆସନ୍ତା ଫେବୃଆରୀ 6 ତାରିଖରେ ସ୍ପଟ ଆଡିମିଶନରେ ସ୍ଥାନ ପାଇଥିବା ଛାତ୍ରଛାତ୍ରୀଙ୍କ ମେରିଟ୍ ତାଲିକା ପ୍ରକାଶ ପାଇବ।
ମେରିଟ୍ ତାଲିକା ଅନୁଯାୟୀ ଛାତ୍ରଛାତ୍ରୀଙ୍କୁ ଫେବୃଆରୀ 8 ଏବଂ 9 ତାରିଖରେ ବିଶ୍ବବିଦ୍ୟାଳୟ ବା ମହାବିଦ୍ୟାଳୟରେ ରିପୋର୍ଟ କରିବାକୁ ହେବ। ସଂପୃକ୍ତ ବିଶ୍ବବିଦ୍ୟାଳୟ ବା ମହାବିଦ୍ୟାଳୟରେ ଛାତ୍ରଛାତ୍ରୀଙ୍କୁ ଚୟନ କରି ଆଉ ଏକ ତାଲିକା କରିବେ। ଏହି ତାଲିକା ଫେବ୍ରୁଆରୀ 10 ତାରିଖରେ ପ୍ରକାଶ ପାଇବ। ଏହାକୁ ନେଇ ଉଚ୍ଚ ଶିକ୍ଷା ବିଭାଗ ବିଧିବଦ୍ଧ ଭାବରେ ବିଜ୍ଞପ୍ତି ଜାରି କରିଛି ।