ଭୁବନେଶ୍ବର:ଲଘୁଚାପ ପ୍ରଭାବରେ ରାଜ୍ୟରେ ଏବେ ଜାରି ରହିଛି ବର୍ଷା । ଏହାର ପ୍ରଭାବରେ ଗତକାଲି ରାଜ୍ୟ ରାଜଧାନୀରେ ମୂଷଳ ଧାରାରେ ବର୍ଷା ହୋଇଛି । ବର୍ଷା ପରେ ବେହାଲ ହୋଇଛି ସ୍ମାର୍ଟସିଟିର ଅବସ୍ଥା । ଫଳରେ ଏବେ ଭୁବନେଶ୍ବରରେ ସୃଷ୍ଟି ହୋଇଛି ଜଳବନ୍ଦୀ ସମସ୍ୟା । ରାଜଧାନୀର ଅନେକ ସ୍ଥାନରେ ପାଣି ଜମିରହିଥିବାରୁ ଯାତାୟତ ବାଧାପ୍ରପ୍ତ ହେବାସହ ଏବେ ଘରୁ ବାହାରିବାକୁ ବି ଭୟ କରୁଛନ୍ତି ରାଜଧାନୀ ବାସିନ୍ଦା । ଏ ସମସ୍ୟା କେବଳ ଆଜିର ନୁହେଁ । ପ୍ରତ୍ୟେକ ବର୍ଷ ବର୍ଷାଦିନ ଆସିଲେ ଏପରି ଅସୁବିଧାର ସମ୍ମୁଖୀନ ହୁଅନ୍ତି ରାଜଧାନୀ ବାସିନ୍ଦା ।
ର୍ଷାରେ ବେହାଲ ରାଜଧାନୀ, କେବେ ସୁଧୁରିବ ଡ୍ରେନେଜ ବ୍ୟବସ୍ଥା ?
ଡ୍ରେନେଜ ବ୍ୟବସ୍ଥା ଠିକ ନଥିବାରୁ ଏଭଳି ଅସୁବିଧାର ସମ୍ମୁଖୀନ ହୁଅନ୍ତି ଭୁବନେଶ୍ବରବାସିନ୍ଦା । ଏନେଇ ବିଏମସିକୁ ଜଣାଇବା ପରେ ସ୍ଥିତିରେ ସୁଧାରଆସିବ ଏବଂ ଡ୍ରେନେଜ ବ୍ୟବସ୍ଥା ଠିକ ହୋଇଯିବ ବୋଲି ପ୍ରତି ବର୍ଷ ପ୍ରତିଶୃତି ମିଳେ । ହେଲେ ଏହା କେତେ ଦୂର କାର୍ଯ୍ୟକାରୀ ହୋଉଛି ଗତକାଲି ବର୍ଷା ପରେ ରାଜଧାନୀର ଅବସ୍ଥାକୁ ଦେଖିଲେ ବେସ ବାରି ହୋଇପଡୁଛି ।