ଭୁବନେଶ୍ବର: ଲଗାତର ପଞ୍ଚମ ଥର ପାଇଁ ଶପଥ ନେଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ତାଙ୍କ ଟିମ୍ । ହେଲେ ମୁଖ୍ୟମନ୍ତ୍ରୀଙ୍କ ଶପଥପାଠ ପାଇଁ ହସ୍ତସନ୍ତ ହୋଇଛନ୍ତି ରାଜଧାନୀ ବାସିନ୍ଦା । ଚଳିତ ଥର ପ୍ରଥମଥର ପାଇଁ ଶପଥ ଗ୍ରହଣ ସମାରୋହ ରାଜଭବନ ବଦଳରେ ପ୍ରଦର୍ଶନୀ ପଡିଆରେ କରାଯାଇଛି । ଯେଉଁଥିପାଇଁ ଜନସାଧାରଣଙ୍କୁ ନାନା ଅସୁବିଧା ଭୋଗ କରିବାକୁ ପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରାଜଧାନୀରେ ପ୍ରଦର୍ଶନୀ ପଡିଆରେ ଆୟୋଜନ ହୋଇଥିବା ଏହି ଉତ୍ସବ ପାଇଁ ହୋଇଥିଲା ଭବ୍ଯ ଆୟୋଜନ । ଯାହାକୁ ନେଇ ମଧୂସୁଦନ ମାର୍ଗର ରାସ୍ତାକୁ ସିଲ କରିଥିଲା କମିଶନରେଟ ପୋଲିସ । ଏନେଇ ଆଗୁଆ ସୂଚନା ଦିଆଯାଇଥିଲା । ହେଲେ ହଠାତ ଟ୍ରାଫିକରେ ହୋଇଥିଲା ପରିବର୍ତ୍ତନ । କେବଳ ମଧୂସୁଦନ ମାର୍ଗ ୪ ଘଣ୍ଟା ବନ୍ଦ ରଖିବାକୁ କହିଥିବା କମିଶନରେଟ ପୋଲିସ ପରେ ରେଡକ୍ରସ ସାମ୍ନା ଟ୍ରାଫିକରୁ ରୋଡ ବ୍ଲକ କରି ଡାଇଭର୍ସନ ଦେଇଥିଲା।