ଭୁବନେଶ୍ବର: ବାହାରିଛି ବିଶ୍ବର ପ୍ରଥମ କୋରୋନା ବଟିକା 'ମେଲନୁପିରାଭିର' । ଏହି ବଟିକା ବ୍ୟବହାର ଦ୍ବାରା ୫୦ ପ୍ରତିଶତ ସିରିୟସ କେସ କମୁଥିବା ଦାବି ହେଉଛି । ତେବେ ଭାରତରେ ଏହାର ବ୍ୟବହାର ନେଇ ସୂଚନା ଦେଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ସେ କହିଛନ୍ତି, କୋରୋନା ବଟିକା ମେଲନୁପିରାଭିର ବର୍ତ୍ତମାନ କେବଳ ୟୁରୋପୀୟ ଦେଶରେ ବ୍ୟବହାର କରାଯାଉଛି । ଭାରତରେ ଏହାର ବ୍ୟବହାର ପାଇଁ DCGI ଅନୁମତି ଦେଇନାହିଁ । ଦେଶରେ କୋରୋନା ବଟିକାକୁ ଅନୁମତି ମିଳିବା ପରେ ଏହାକୁ ବ୍ୟବହାର କରାଯାଇପାରେ ।
କୋରୋନା ବଟିକାକୁ ନେଇ ସୂଚନା ଦେଲେ ସ୍ବାସ୍ଥ୍ୟ ନିର୍ଦ୍ଦେଶକ
ୟୁରୋପୀୟ ରାଷ୍ଟ୍ରରେ କଟକଣା କୋହଳ ଯୋଗୁଁ ସେଠାରେ ସଂକ୍ରମଣ ବଢୁଛି । ମାତ୍ର ଖୁସିର କଥା ଆମ ଦେଶ ତଥା ରାଜ୍ୟରେ ସଂକ୍ରମଣ କମୁଛି । ମହାମାରୀ କମୁଥିଲେ ହେଁ ରାଜ୍ୟରେ ସର୍ଭିଲାନ୍ସ ଏବଂ ଟେଷ୍ଟିଂ ଜାରି ରହିବ । ହେଲେ ଆମକୁ ସତର୍କ ରହିବାକୁ ପଡିବ ବୋଲି ପରମର୍ଶ ଦେଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ।