ଭୁବନେଶ୍ବର:ରାଜ୍ୟରେ ବର୍ତ୍ତମାନ ମୃତ୍ୟୁସଂଖ୍ୟା ବଢ଼ିବା ନଜରକୁ ଆସିଛି । ତେବେ ଏବେ ସଂକ୍ରମଣ କମିଥିବା ବେଳେ ମୃତ୍ୟୁର ଅଡିଟ ପାଖାପାଖି ଶେଷ ହୋଇଛି । ଯେତେବେଳେ ସଂକ୍ରମଣ ପିକରେ ଥିଲା ଅଡ଼ିଟ ହୋଇପାରିନଥିଲା । ଏବେ ଯାହା ଆସୁଛି ଦିଆ ହେଉଛି ବୋଲି ସୂଚନା ଦେଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
'ଡେଥ ଅଡିଟ ପାଖାପାଖି ସରିଛି, ଯାହା ଆସୁଛି ସେହି ତଥ୍ୟ ଦିଆଯାଉଛି'
ରାଜ୍ୟରେ କେତେ ଟିକା ଦିଆଯାଇଛି ଏସବୁ ଦେଖି ସରକାର ନିର୍ଦ୍ଦେଶନାମା ଦେବେ। ଯେତେବେଳେ ମହାମାରୀ ପିକରେ ଥିଲା ଅଡିଟ୍ ହୋଇ ପାରିନଥିଲା । ଏବେ ଯାହା ତଥ୍ୟ ଆସୁଛି ଦିଆଯାଉଛି । ଆମେ ମହାମାରୀ ମଧ୍ୟରେ ଥିବାରୁ ବର୍ତ୍ତମାନ ମୃତ୍ୟୁହାରକୁ ବିଶ୍ଳେଷଣ କରିବା କଥା ନୁହେଁ । ମହାମାରୀ ସରିଲେ ମୃତ୍ୟୁହାରକୁ ବିଶ୍ଳେଷଣ କରାଯିବ ବୋଲି ସେ କହିଛନ୍ତି । ରାଜ୍ୟରେ ଟୀକାକରଣ ସହ ସେରୋ ସର୍ଭେ ଚାଲିଛି ତେଣୁ ଅପେକ୍ଷା କରିବା ବୋଲି କହିଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ।