ଭୁବନେଶ୍ବର: ମଙ୍ଗଳବାର ବିଜେପିର ସଦସ୍ୟ ପଦରୁ ଇସ୍ତଫା । ଆଉ ୨୪ ଘଣ୍ଟା ନପୁରୁଣୁ ଇସ୍ତଫା ପତ୍ର ଫେରେଇ ନେଲେ ଜଗନ୍ନାଥ ପ୍ରଧାନ। ମଧ୍ୟ ଭୁବନେଶ୍ବରରୁ ବିଜେପିର ପାର୍ଥୀ ହୋଇଥିବା ଜଗନ୍ନାଥ ପ୍ରଧାନ ଗତକାଲି ବ୍ୟକ୍ତିଗତ ସମସ୍ୟା ଦର୍ଶାଇ ଦଳରୁ ନିଜକୁ ଦୂରେଇ ନେଇଥିଲେ । ହେଲେ ଆଜି ପୁଣି ଥରେ ନିଜ ଦଳକୁ ଫେରିଆସିଛନ୍ତି । ଏନେଇ ଜଗନ୍ନାଥ ପ୍ରଧାନ ନିଜେ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି ।
ପ୍ରଥମେ ଇସ୍ତଫା ଦେଲେ, ୨୪ଘଣ୍ଟା ଭିତରେ ଇସ୍ତଫା ପତ୍ର ଫେରେଇନେଲେ
ଜଗନ୍ନାଥ କହିଛନ୍ତି, ଗତକାଲି ଠାରୁ ସବୁ ରାଜ୍ୟ ନେତୃତ୍ୱଙ୍କ ସହ ଆଲୋଚନା କରିଛୁ। କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଆଲୋଚନା କରିଛି। ଏକାଠି ହୋଇ କାମ କରିବୁ ଆଗକୁ ବଢିବୁ। ଦଳର କିଛି ମାତ୍ରାରେ ବିଚ୍ୟୁତି ଥିବାରୁ ଅସନ୍ତୋଷ ଥିଲା । ଅଭିମାନ ଥିଲା, ଦୂର ହୋଇଛି। ଦଳ ଆମ ପରିବାର। ସମସ୍ତଙ୍କୁ ନେଇ ଚାଲିବ ଭଲ। ମୁଁ ଅଭିମାନ ଭାଙ୍ଗିଲି। ଅସନ୍ତୋଷ ନଥିଲା। ଇସ୍ତଫା ପ୍ରତ୍ୟାହାର କରିନେଇଛୁ ବୋଲି କହିଛନ୍ତି ଜଗନ୍ନାଥ ପ୍ରଧାନ ।