ଭୁବନେଶ୍ବର: ସ୍ଥାନୀୟ ସ୍ବାଧୀନତା ସଂଗ୍ରାମୀ ଭବନ ପରିସରରେ ଆଜି(ଶନିବାର) ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ତଥା ନୂଆ ଓଡ଼ିଶାର ଅନ୍ୟତମ ବିନ୍ଧାଣି ଡକ୍ଟର ହରେକୃଷ୍ଣ ମହତାବଙ୍କ 34ତମ ଶ୍ରାଦ୍ଧ ବାର୍ଷିକୀ ଅବସରରେ ଆୟୋଜିତ 34ତମ ସ୍ବାଧୀନତା ସଂଗ୍ରାମୀ ମହୋତ୍ସବ ଅନୁଷ୍ଠିତ ହୋଇଛି ।
'ମହତାବ ଜଣେ ବ୍ୟକ୍ତି ନୁହେଁ ଅନୁଷ୍ଠାନ'
ଏହି ଅବସରରେ ମୁଖ୍ୟ ଅତିଥି ଭାବେ ଯୋଗଦେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, ' ସ୍ବାଧୀନତା ପୂର୍ବରୁ ଓଡ଼ିଆମାନେ କେନ୍ଦ୍ରର ରାଜନୀତିରେ ଧାକ ଜମାଇଥିଲେ । ସେଥିମଧ୍ୟରୁ ମହତାବ ଅନ୍ୟତମ ଓ ବିରଳ ନିଦର୍ଶନ । ସ୍ବାଧୀନତା ସଂଗ୍ରାମୀମାନେ ଆମର ବର୍ତ୍ତମାନ ସ୍ଥିତିକୁ ଦୃଢ଼ କରିବାର ଭିତ୍ତିଭୂମି । ସେମାନଙ୍କ ବଳିଦାନ ଓ ଯୋଗଦାନ ପାଇଁ ଆମ୍ଭେମାନେ ଏହି ସ୍ଥାନରେ ଉପସ୍ଥିତ ।'