ଭୁବନେଶ୍ବର: 20 ଟଙ୍କାରୁ ଆରମ୍ଭ ହୋଇଥିଲା ବ୍ୟବସାୟ । ଆଉ ଏବେ ଏହା 2 ଲକ୍ଷରୁ ଉର୍ଦ୍ଧ୍ବରେ ପହଞ୍ଚିଲାଣି । ଅକ୍ଲାନ୍ତ ପରିଶ୍ରମ ସହ ନିଜର ଦୃଢ ଆତ୍ମବିଶ୍ବାସ ହିଁ ସେମାନଙ୍କୁ ଆଜି ଉନ୍ନତି ପଥରେ ପହଞ୍ଚାଇଛି । ଆଉ ତାଙ୍କର ହାତ ତିଆରି ସାମଗ୍ରୀ ଓଡିଶା ସହ ଅନ୍ୟ ରାଜ୍ୟରେ ବେଶ ଆଦର ଲାଭ ପାଇପାରିଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ସୂଚନାମୁତାବକ, ପୁରୀ ରଘୁରାଜପୁର ଅଞ୍ଚଳର ଶୁଶାନ୍ତି ସ୍ବାଇଁ ଓ 20 ଜଣ ମହିଳା 2013 ମସିହାରେ ଏକାଠି ହୋଇ ଆରମ୍ଭ କରିଥିଲେ ଗୋପାଳଜୀ ନାରୀ ଶକ୍ତି । କପର ଫଏଲ ପେଣ୍ଟିଙ୍ଗ, ପଟଚିତ୍ର ଆଦି କାମକୁ ଆପଣେଇ ନିଜ ଅଞ୍ଚଳରେ ଆରମ୍ଭ କରିଦେଇଥିଲେ କାମ । ପ୍ରତ୍ୟେକ 20 ଟଙ୍କା ଲୋଖାଏଁ ଆଦାୟ କରି ନିଜର ବ୍ୟବସାୟ ଆରମ୍ଭ କରିଥିବା କୁହନ୍ତି ସୁଶାନ୍ତି । ଆଉ ଏବେ ତାଙ୍କର କାମର ପ୍ରଶଂସା ହେବା ସହ ତାଙ୍କର କଳାକୃତି ରାଜ୍ୟ ତଥା ରାଜ୍ୟ ବାହାରକୁ ବ୍ୟାପିଲାଣି ।