ଭୁବନେଶ୍ବର: କଟକ ଏସସିବିରୁ ଚିକିତ୍ସାଧିନ ଅବସ୍ଥାରେ ଫେରାର ଗ୍ୟାଙ୍ଗଷ୍ଟାର ହାଇଦରର ପତ୍ତା ପାଉନି ପୋଲିସ । ଗତକାଲି(ଶନିବାର) ସଂନ୍ଧ୍ୟାରେ ନିଖୋଜ ହୋଇଥିଲେ ମଧ୍ୟ ପୋଲିସ ଟେର ପାଉନି । ଅନ୍ୟପଟେ ତାକୁ ଖୋଜିବାକୁ ଏକ ସ୍ବତନ୍ତ୍ର ଟିମ ରେଳ ଷ୍ଟେସନରେ ପହଞ୍ଚି ପଚରା ଉଚରା କରିଥିବା ଦେଖିବାକୁ ମିଳିଛି ।
ହାଇଦରକୁ ଖୋଜୁଛି ଜିଆରପି ପୋଲିସ
ଆଜି(ରବିବାର) ଭୁବନେଶ୍ବର ରେଳ ଷ୍ଟେସନରେ ହାଇଦର ଫଟୋକୁ ମୋବାଇଲରେ ଦେଖାଇ ଜିଆରପି ପୋଲିସ ଲୋକଙ୍କୁ ପଚରାଉଚରା କରୁଥିବା ଦେଖିବାକୁ ମିଳିଛି । ଏକ ସ୍ବତନ୍ତ୍ର ଟିମ ସାଧା ପୋଷାକରେ ରେଳ ଷ୍ଟେସନରେ ପହଞ୍ଚି ପ୍ରତି ବଗିରେ ଥିବା ଯାତ୍ରୀ ଓ ଷ୍ଟେସନ ବାହାର ସମେତ ଷ୍ଟେସନ ପରିସରରେ ଥିବା ଯାତ୍ରୀଙ୍କୁ ପଚରାଉଚରା କରିଛି ଜିଆରପି ପୋଲିସ।