ଭୁବନେଶ୍ବର:ରାଜ୍ୟରେ କୋରୋନା ସ୍ଥିତି ବର୍ତ୍ତମାନ ନିୟନ୍ତ୍ରଣାଧୀନ ରହିଛି । ବର୍ତ୍ତମାନ 18ଟି ଜିଲ୍ଲାରେ ଦୁଇ ଅଙ୍କକୁ ଖସିଛି ଦୈନିକ ସଂକ୍ରମଣ । ପଶ୍ଚିମ ଓଡିଶାରେ ସଂକ୍ରମଣ ଖୁବ୍ ହ୍ରାସ ପାଇଥିବାବେଳେ ଏବେ ଉପକୂଳ ଓଡିଶାକୁ ଫୋକସ କରାଯାଉଛି । ଏନେଇ ଟେଷ୍ଟିଂ ବୃଦ୍ଧି କରାଯିବା ସହ ଡୋର ଡୁ ଡୋର ସର୍ଭେ ପାଇଁ କାର୍ଯ୍ୟକ୍ରମ ରହିଛି । ସଂକ୍ରମଣକୁ ଏଡାଇବାକୁ ଏହି ଅଞ୍ଚଳଗୁଡିକର ଜିଲ୍ଲାପାଳ ସଜାଗ ରହୁଛନ୍ତି । ଯେଉଁସବୁ ଜିଲ୍ଲାର ସଂକ୍ରମଣ ବଢୁଛି ତାହା ଉପରେ ଅଧିକ ନଜର ରଖୁଛନ୍ତି ରାଜ୍ୟ ସରକାର । ଏବେ ସଂକ୍ରମଣ ହାର ହାରାହାରି 6 ପ୍ରତିଶତ ରହୁଥିବାବେଳେ ଏହି ମାସ ଶେଷ ସୁଦ୍ଧା ଏହା ଆହୁରି କମିବ ବୋଲି କହିଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ।
ପଶ୍ଚିମ ଓଡିଶା ସ୍ଥିତି ନିୟନ୍ତ୍ରଣକୁ ଆସିବା ପରେ ଉପକୂଳ ଓଡିଶାକୁ ଫୋକସ