‘ସରକାରଙ୍କ ଯୋଜନା କୃଷିନୀତିର ନୂଆ ବାହାନା’

ରାଜ୍ୟ ସରକାରଙ୍କ ନୂଆ ନୀତିକୁ ସମାଲୋଚନା କରିଛି ବିରୋଧୀ କଂଗ୍ରେସ । ନିର୍ବାଚନ ବେଳେ କାଳିଆ ଯୋଜନା ଆଣି ଲୋକଙ୍କୁ ଭେଳିକି ଦେଖାଇଲେ ସରକାର ।

ଭୁବନେଶ୍ବର: ରାଜ୍ୟ ସରକାରଙ୍କ ନୂଆ ନୀତିକୁ ସମାଲୋଚନା କରିଛି ବିରୋଧୀ କଂଗ୍ରେସ । ନିର୍ବାଚନ ବେଳେ କାଳିଆ ଯୋଜନା ଆଣି ଲୋକଙ୍କୁ ଭେଳିକି ଦେଖାଇଲେ ସରକାର । ଏବେ ପୁଣି କହୁଛନ୍ତି 5 ବର୍ଷ ପାଇଁ ଯୋଜନା କାର୍ଯ୍ୟକାରୀ ହେବ। ଗୋଟିଏ ପଟେ ଚାଷୀଙ୍କ ଆୟ କାମୁଥିବା ସରକାର ସ୍ବୀକାର କରିଛନ୍ତି । ଅନ୍ୟପଟେ କୃଷକମାନଙ୍କ ପାଇଁ ଯୋଜନା ପରେ ଯୋଜନା ଘୋଷଣା ହେଉଥିବା କହିଛନ୍ତି ବିରୋଧୀ ନେତା ।

ସୂଚନା ଅନୁଯାୟୀ 17ଟି ଜିଲ୍ଲାରେ ଚାଷୀଙ୍କ ଆୟ କମିଛି । ତଥାପି କୃଷକଙ୍କ ପାଇଁ ଯୋଜନା ପରେ ଯୋଜନା ଘୋଷଣା କରାଯାଉଛି। ସ୍ବତନ୍ତ୍ର ବଜେଟ ମଧ୍ୟ ହେଉଛି। ଆଳୁ ପିଆଜ ଭଳି ମିଶନ ହେଉଛି ହେଲେ ଚାଷୀଙ୍କ ଆୟ କାହିଁକି କମୁଛି ବୋଲି ପ୍ରଶ୍ନ କରିଛନ୍ତି କଂଗ୍ରେସ ବିଧାୟକ ତାର ପ୍ରସାଦ ବାହିନୀପତି।

ତାରାଙ୍କ କହିବା ଅନୁଯାୟୀ ଏବେ ପୁଣି ନୂଆ କୃଷି ନୀତିର ବାହାନା ଦେଖାଉଛନ୍ତି ସରକାର। ଯାହାକି ପୁରୁଣା ଯୋଜନା ପରି କାମ ଦେବ ନାହିଁ । ଚାଷୀଙ୍କୁ ବିହନ ମିଳୁନି କି ସାର ବି ମିଳୁନି । ଜମିକୁ ଜଳସେଚନ ସୁବିଧା ନାହିଁ । ଯାହା ଉତ୍ପାଦନ ହେଉଛି ତାହା ବିକ୍ରି ପାଇଁ ବଜାର ନାହିଁ । ଏହା ପରେ ବି ସରକାର ନୂଆ ଘୋଷଣା କରିବା କେବଳ ଭେଳିକି ବୋଲି କହିଛନ୍ତି ତାରା।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ