ଭୁବନେଶ୍ବର: ରାଜ୍ୟରେ ଗ୍ରୀଷ୍ମ ପ୍ରବାହ ବେଳେ ଯେଉଁଠି ବି ପାନୀୟ ଜଳ ସମସ୍ଯା ଦେଖାଦିଏ ସରକାର ତୁରନ୍ତ ପଦକ୍ଷେପ ନେବେ । ପାନୀୟ ଜଳ ସମସ୍ୟା ନହେବା ପାଇଁ ସରକାର ଅନେକ ପଦକ୍ଷେପ ନେଇଛନ୍ତି । ଆଜି ଏ ସମ୍ପର୍କରେ ସୂଚନା ଦେଇଛନ୍ତି ପାନୀୟ ଜଳ ଯୋଗାଣ ଓ ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ।
ପାନୀୟଜଳ ସମସ୍ୟା ସମାଧାନ ପାଇଁ ସରକାର ପଦକ୍ଷେପ ନେଉଛନ୍ତି: ମନ୍ତ୍ରୀ ପ୍ରତାପ ଜେନା
ମନ୍ତ୍ରୀ କହିଛନ୍ତି ସମସ୍ତଙ୍କୁ ଘରେ ପିଇବା ପାଣି ଯୋଗାଇ ଦିଆଯିବ। ପିଇବା ପାଣି ନେଇ ଯେଉଁ ସ୍ଥାନରେ ସମସ୍ୟା ଦେଖାଦେବ ଆବଶ୍ୟକ ପଦକ୍ଷେପ ନିଆଯିବ। ସେହିପରି ଅନଲାଇନ ଜରିଆରେ ଆସୁଥିବା ଅଭିଯୋଗ ଆଧାରରେ ବି ପଦକ୍ଷେପ ନିଆଯିବ । ଗ୍ରାମାଞ୍ଚଳ ଓ ସହରାଞ୍ଚଳରେ ସବୁ ଘରକୁ ପିଇବା ପାଣି ଯୋଗାଇ ଦିଆଯାଉଛି। ଆବଶ୍ୟକ ସ୍ଥଳେ ଟ୍ୟାଙ୍କର ଯୋଗେ ଉଭୟ ଗ୍ରାମାଞ୍ଚଳ ଓ ସହରାଞ୍ଚଳରେ ପାଣି ଯୋଗାଇ ଦିଆଯିବ ।