ଭୁବନେଶ୍ବର : ସୋଲାରି ଓ ବାଲୁଗାଁ ଷ୍ଟେସନ ମଧ୍ୟରେ ପଣ୍ୟବାହୀ ଟ୍ରେନ ଲାଇନଚ୍ୟୁତ ହୋଇଛି । ସୋଲାରି ଏବଂ ବାଲୁଗାଁ ଷ୍ଟେସନ୍ ମଧ୍ୟରେ ପଣ୍ୟବାହୀ ଟ୍ରେନ ଲାଇନଚ୍ୟୁତ ଯୋଗୁଁ ଦୁଇଟି ଟ୍ରେନକୁ ମାର୍ଗରେ ସାମୟିକ ଭାବେ ନିୟନ୍ତ୍ରିତ କରାଯାଇଛି। ଲାଇନଚ୍ୟୁତ ଯୋଗୁଁ ଖୋର୍ଦ୍ଧା ରୋଡ଼-ବ୍ରହ୍ମପୁର ରେଳ ସେକ୍ସନରେ ଟ୍ରେନ ଚଳାଚଳ ସାମାନ୍ୟ ପ୍ରଭାବିତ ହୋଇଛି।
କେନ୍ଦୁଝର ନିକଟବର୍ତ୍ତୀ ନୟାଗଡ଼ ଠାରୁ ଲୁହାପଥର ବୋଝେଇ କରି କର୍ଣ୍ଣାଟକର ହୁଵାଲୀକୁ ଯାତ୍ରାକରୁଥିବା ଏକ ପଣ୍ୟବାହୀ ଟ୍ରେନ ଖୋର୍ଦ୍ଧା ରୋଡ଼ ରେଳ ମଣ୍ଡଳ ଅନ୍ତର୍ଗତ ସୋଲାରି - ବାଲୁଗାଁ ଷ୍ଟେସନ ଷ୍ଟେସନ ମଧ୍ୟରେ (ହାଓଡ଼ା-ଚେନ୍ନାଇ ମୁଖ୍ୟ ରେଳ ମାର୍ଗରେ) ଗୋଟିଏ ୱାଗନ ଆଜି(ବୁଧବାର) ଅପରାହ୍ନ ୪ଟା ୩୫ମିନିଟ ସମୟରେ ଲାଇନ୍ଚ୍ୟୁତ ହୋଇଯାଇଥିଲା । ଏହାଯୋଗୁଁ ଖୋର୍ଦ୍ଧା ରୋଡ଼-ବ୍ରହ୍ମପୁର ରେଳ ସେକ୍ସନରେ ଟ୍ରେନ ଚଳାଚଳ ସାମାନ୍ୟ ପ୍ରଭାବିତ ହୋଇଛି। ଯାହାଫଳରେ ଆଜି ଭୁବନେଶ୍ୱରରୁ ଛାଡିଥିବା 11020 ଭୁବନେଶ୍ୱର-ମୁମ୍ବାଇ ସିଏସଏମଟି କୋଣାର୍କ ଏକ୍ସପ୍ରେସକୁ ଗଙ୍ଗାଧରପୁର ରେଳ ଷ୍ଟେସନରେ ଅପରାହ୍ନ ୪ଟା ୪୨ମିନିଟ ଠାରୁ ଅଟକା ଯାଇଥିଲା ।
ଏହାବି ପଢନ୍ତୁ :କୋଟିଆରେ ନିର୍ବାଚନ ଭଣ୍ଡୁର ପାଇଁ ଆନ୍ଧ୍ରର ପ୍ଲାନ, ଗାଁରେ ଉତ୍ପାତ କରୁଛନ୍ତି ଏଜେଣ୍ଟ