ଭୁବନେଶ୍ବର: ରସୁଲଗଡ଼ ନିକଟରେ ଥିବା ଏକ ଗୋଲଡ଼ ଲୋନ କମ୍ପାନୀରେ ମ୍ୟାନେଜରଙ୍କୁ ଗିରଫ କରିଛି ପୋଲିସ । ସେ ଅନେକ ଗ୍ରାହକଙ୍କର ପାଖାପାଖି ୨୯୦ ଗ୍ରାମର ନକଲି ସୁନାକୁ ବ୍ୟାଙ୍କରେ ଅସଲି ପ୍ୟାକଟରେ ରଖି ୧୭ ଲକ୍ଷ ଟଙ୍କା ଠକି ନେଇଥିବା ଅଭିଯୋଗ ହୋଇଛି । ତେବେ ଗତ ନଭେମ୍ବରର ଅଡ଼ିଟ ସମୟରେ ସେ ଧରାପଡିଥିବା ଜଣାପଡିଛି ।
ନକଲି ସୁନା ବନ୍ଧକ ରଖି ଘରୋଇ ଗୋଲ୍ଡ ଲୋନ ମ୍ୟାନଜର ଗିରଫ
ଅଭିଯୁକ୍ତ ଜଣକ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ସଚ୍ଚିଦାନନ୍ଦ ସାମନ୍ତରାୟ ବୋଲି ଜଣାପଡ଼ିଥିବା ବେଳେ ତାଙ୍କୁ ବ୍ରହ୍ମପୁରରୁ ଗିରଫ କରିଛି ମଞ୍ଚେଶ୍ବର ଥାନା ପୋଲିସ । ସଚ୍ଚିତାନନ୍ଦ ରସୁଲଗଡ଼ ନିକଟରେ ଥିବା ଏକ ଗୋଲଡ଼ ଲୋନ କମ୍ପାନୀରେ ମ୍ୟାନେଜର ଥିଲେ । ସେହି ସମୟରେ ସଚ୍ଚିଦାନନ୍ଦ ନକଲି ସୁନା ବନ୍ଧକ ରଖି 17 ଲକ୍ଷ ଟଙ୍କା ଠକିନେଇଥିଲେ ବୋଲି ଅଭିଯୋଗ ହୋଇଛି । ଏନେଇ ମଞ୍ଚେଶ୍ୱର ଥାନାରେ ଅଭିଯୋଗ ପରେ ସଚ୍ଚିଦାନନ୍ଦ ଙ୍କୁ ଗିରଫ କରିବା ସହିତ ନକଲି ସୁନା ଗହଣାକୁ ଜବତ କରିଛି ପୋଲିସ ।