ଭୁବନେଶ୍ବର: ହୁସିଆର ଲୁଟେରାଙ୍କ ଟାର୍ଗେଟରେ ଏବେ ବିବାହ ମଣ୍ଡପ । ଗୋଟିଏ ପରେ ଗୋଟିଏ ଅଭିନବ ଉପାୟରେ ରାଜଧାନୀରେ ଆତଙ୍କ ଖେଳାଇଛନ୍ତି ଏହି ଲୁଟେରା । ସମ୍ଭ୍ରାନ୍ତ ପରିବାର ଠାଣିରେ ଆସି ବିବାହ ମଣ୍ଡପରେ ବୁଲାଉଛନ୍ତି କଳାକନା । ଛୋଟ ଶିଶୁ ଦ୍ବାରା ଏପରି ଲୁଟ କରୁଥିବା ଘଟଣା ଏବେ ସହିଦନଗର ଥାନା ଅଞ୍ଚଳରୁ ସାମ୍ନାକୁ ଆସିଛି । ବରଯାତ୍ରୀ ବେଶରେ ଆସି ଲୁଟେରାମାନେ ବନ୍ଦାଣ ଗହଣା ଲୁଟ କରିଥିବା ଜଣାପଡ଼ିଛି ।
Loot from Wedding Venue: ବରଯାତ୍ରୀ ବେଶରେ ଆସିଲେ, ଲୁଟି ନେଲେ ବନ୍ଦାଣ ଗହଣା
ଏମିତି ଢଙ୍ଗରେ ଗତ ୨୩ ତାରିଖରେ ସହିଦନଗର ଥାନା ଅଞ୍ଚଳରୁ ଲୁଟ କରିଛନ୍ତି ଦୁର୍ବୃତ୍ତ । କେଶୁରାରେ ଥିବା ପଲ୍ଲବୀ ମଣ୍ଡପରେ ଏପରି ନୂଆ ଢଙ୍ଗର ଲୁଟ ଦେଖିବାକୁ ମିଳିଛି । ଜଣେ ଯୁବକ ବ୍ଲାକ ସାର୍ଟ ଓ ଗ୍ରେ ପ୍ୟାଣ୍ଟରେ ବରଯାତ୍ରୀଙ୍କ ସହ ଆସୁଛନ୍ତି । ସାଙ୍ଗରେ ଜଣେ ଛୋଟ ପିଲାକୁ ବି ଆଣିଛନ୍ତି । ଫଳରେ ସହଜରେ କେହି ସନ୍ଦେହ କରିପାରିବେ ନାହିଁ । ମଣ୍ଡପରେ ବନ୍ଦାଣ ପାଇଁ ରହିଥିବା ଗହଣା ଉପରେ ନଜର ପକାଉଛନ୍ତି ।