ଭୁବନେଶ୍ବର: ମୂଳ ପରିମଳ କର୍ମଚାରୀଙ୍କ ପାଇଁ ରାଜ୍ୟ ସରକାରଙ୍କ ନୂଆ ଯୋଜନା "ଗରିମା" ର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗରିମା ଯୋଜନାରେ ମୂଳ ପରିମଳ କର୍ମଚାରୀଙ୍କ ସାମାଜିକ ଓ ଆର୍ଥନୈତିକ ବ୍ୟବସ୍ଥାରେ ଉନ୍ନତି ଆଣିବ । ପରିମଳ କାର୍ଯ୍ୟରେ ଥିବା ମଳ ସଫେଇ ବ୍ଯବସ୍ଥାକୁ ଉଚ୍ଛେଦ କରିବା ସହ ଏହି ଯୋଜନାରେ ଅବେହେଳିତ ବର୍ଗଙ୍କ ପାଇଁ ସରକାର ମୂଳ ପରିମଳ କର୍ମଚାରୀଙ୍କ ସମ୍ମାନକୁ ସୁନିଶ୍ଚିତ କରିବା ଲକ୍ଷ୍ୟ ରଖାଯାଇଛି । ଏନେଇ ସୂଚନା ଦେଇଛନ୍ତି ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ।
ମୂଳ ପରିମଳ କର୍ମଚାରୀଙ୍କ ପାଇଁ ଆର୍ଥିକ ସହାୟତା ଯୋଗାଇବ ‘ଗରିମା’
ଏହି ଯୋଜନାରେ ବର୍ଷ ବର୍ଷ ଧରି କାର୍ଯ୍ୟ କରୁଥିବା ପ୍ରାୟ ୨୦ ହଜାର ମୂଳ ପରିମଳ କର୍ମଚାରୀ ଓ ତାଙ୍କ ପରିବାରଙ୍କୁ ନେଇ ମୋଟ ୧ ଲକ୍ଷ ଲୋକ ଉପକୃତ ହେବେ । ଗରିମା ଯୋଜନାରେ ଜାତୀୟ ଓ ରାଜ୍ୟ ଆଇନ ଉପରେ ଗୁରୁତ୍ୱ ଦିଆଯାଇଛି । ଚିହ୍ନଟ ଓ ପଞ୍ଜିକରଣ କରାଯିବା ସହ ମେସିନ ଯୋଗାଇ ଦିଆଯିବ । ଦକ୍ଷତା ବୃଦ୍ଧି ପାଇଁ ତାଲିମ ଦିଆଯିବ ।