ଭୁବନେଶ୍ବର: ରାଜଧାନୀରେ ଆରମ୍ଭ ହେଲା ‘ଗାଁ ଆମ୍ବ ପସରା’ । ସହରରେ ସୁସ୍ବାଦୁ ଗାଁ ଆମ୍ବର ସମ୍ଭାରକୁ ନେଇ ସୋମବାରଠୁ ଆରମ୍ଭ ହେଲା ଗାଁ ଆମ୍ବ ପସରା । ଅର୍ଥାତ ରାଜଧାନୀବାସୀ ଗାଁ ବଗିଚାର ପାଚିଲା ଆମ୍ବ ସିଧାସଳଖ ସହରରେ ପାଇପାରିବେ । ଆଉ ରାଜଧାନୀବାସୀଙ୍କ ପାଇଁ ଏହି ସୁଯୋଗ ଆଣିଦେଇଛି ଓର୍ମାସ ।
ଆରମ୍ଭ ହେଲା "ଗାଁ ଆମ୍ବ ପସରା"
ଆଗକୁ ରଜ ସାବିତ୍ରୀ ଆସୁଥିବାରୁ ଏହି ଦିନ ଗୁଡିକରେ ଆମ୍ବର ଚାହିଦା ବେଶୀ ରହିଥାଏ। ଏହି ଚାହିଦାକୁ ନଜରରେ ରଖି ରାଜ୍ୟର ୫ ଜିଲ୍ଲାର ଚାଷୀମାନେ ଭଳିକି ଭଳି ବଗିଚାର ଆମ୍ବକୁ ଆଣି ରାଜଧାନୀବାସୀଙ୍କୁ ଭେଟି ଦେଇଛନ୍ତି ।
ଓର୍ମାସ ଦ୍ବାରା ସଂଗଠିତ ଗାଁ ଆମ୍ବ ପସରା କାର୍ଯ୍ୟକ୍ରମରେ ଚଳିତ ବର୍ଷ ସମ୍ବଲପୁର, ବଲାଙ୍ଗୀର, ଅନୁଗୋଳ, କଳାହାଣ୍ଡି ଓ ରାୟଗଡା ଜିଲ୍ଲାର ଚାଷୀ ଯୋଗ ଦେଇ ରାସାୟନିକ ଔଷଧ ବିଯୁକ୍ତ ପାଚିଲା ଆମ୍ବ ଗ୍ରାହକଙ୍କୁ ସିଧାସଳକ ବିକ୍ରି କରୁଛନ୍ତି ।