ଫିଟୁଛି ଗଞ୍ଜେଇ ଗୁମର, ମହାରାଷ୍ଟ୍ର ଯାଏ ଲମ୍ବିଛି ଚେର

ରାଜ୍ୟ ଭିତରେ ସୀମିତ ନାହିଁ ଗଞ୍ଜେଇ ବ୍ୟାପାର । ଓଡ଼ିଶାରୁ ସିଧାସଳଖ ଚାଲାଣ ହେଉଛି ମହାରାଷ୍ଟ୍ର । ଯାହାର ବଡ଼ ଖୁଲାସା କରିଛି ଖୋଦ ଚାଲାଣକାରୀ । ଏସଟିଏଫ ଟିମ୍ ହାତରେ ଧରାପଡ଼ିବା ପରେ କହିଛି ମହାରାଷ୍ଟ୍ରର ଏହି ଯୁବକ ପ୍ରକାଶ ଦୁର୍ଯ୍ୟୋଧନ ମୋହିତେ ।

ଭୁବନେଶ୍ବର: ଓଡିଶାରୁ ମହାରାଷ୍ଟ୍ର। ଲମ୍ବିଛି ଗଞ୍ଜେଇ ଚୋରାଚାଲାଣର ଚେର । କୋରାପୁଟ ଦେଇ ହେଉଛି ଚାଲାଣ। ଏମିତି ଏକ ଗଞ୍ଜେଇ ଚାଲାଣ ଗ୍ୟାଙ୍ଗର ଗୁମର ଖୋଲିଛି ଏସଟିଏଫ ଟିମ । ଟିମ ହାତରେ ଧରାପଡିଛି ମହାରାଷ୍ଟ୍ରର ଜଣେ ଯୁବକ।

ମହାରାଷ୍ଟ୍ରର ଜଲୋଗାଓଁ ଜିଲ୍ଲାର ପ୍ରକାଶ ଦୁର୍ଯ୍ୟୋଧନ ମୋହିତେକୁ ଗିରଫ କରି ଟ୍ରାଞ୍ଜିଟ୍ ରିମାଣ୍ଡରେ ଆଣିଛି ଏସଟିଏଫ । କିପରି ଗଂଜେଇ ଚାଲାଣ ହେଉଥିଲା ଏହା ପଛରେ କେଉଁମାନଙ୍କ ହାତ ଥିଲା। ଏସବୁ ନେଇ ରିମାଣ୍ଡରେ ପଚରାଉଚରା କରି ଖୁଲାସା କରିବ ଏସଟିଏଫ । ତେବେ ପୁର୍ବରୁ ଏହି ମାମଲାରେ ୬ ଜଣ ଗିରଫ ହୋଇସାରିଛନ୍ତି।

ସୂଚନା ଯୋଗ୍ୟ ଗିରଫ ହୋଇଥିବା ଅଭିଯୁକ୍ତ ପ୍ରକାଶ ଜଣେ ବଡ଼ ଗଞ୍ଜେଇ ଚାଲାଣକାରୀ । ଓଡିଶାରୁ ଗଞ୍ଜେଇ କିଣି ମହାରାଷ୍ଟ୍ରର ବିଭିନ୍ନ ବେପାରିଙ୍କ ପାଖରେ ପହଁଚାଉଥିଲା । ସେଠାରେ ମଧ୍ୟ ଓଡିଶା ଗଞ୍ଜେଇର ବହୁ ଚାହିଦା ରହିଛି । ତେବେ ଏନଡିପିଏସ ଆକ୍ଟରେ ଏସଟିଏଫ ଟିମ ତଦନ୍ତ ଚଳାଇଛି । ଏହା ପଛରେ ଥିବା ଆନ୍ତଃରାଜ୍ୟ ଲିଙ୍କର ଖୁଲାସା ପାଇଁ ଛାନଭିନ ଆରମ୍ଭ କରିଛି ଟିମ୍ ।

ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ