ଭୁବନେଶ୍ବର: ଆଜି ବିଘ୍ନ ବିନାଶକ ପ୍ରଭୁ ଗଣେଶଙ୍କ ପୂଜା । ଅଗ୍ରପୂଜ୍ୟଙ୍କୁ ପୂଜାକୁ ନେଇ ଉତ୍ସବ ମୁଖର ଗାଁଠୁ ସହର । ପୂଜା ମଣ୍ଡପରେ ବିରାଜମାନ କରିଛନ୍ତି ଗଜାନନ । ପୂଜା ପାଇଁ ସୁସଜ୍ଜିତ ହୋଇଛି ବିଦ୍ୟାଳୟ ଓ ପୂଜା ମଣ୍ଡପ । ସର୍ବସିଦ୍ଧି ପ୍ରଦାୟକଙ୍କୁ ଆରଧନା କରୁଛନ୍ତି ଛାତ୍ରଛାତ୍ରୀ । ଆଦିଦେବଙ୍କ ଆରାଧନାରେ ବିଭୋର ହୋଇଛନ୍ତି ସଭିଁଏ । ଆଜି ଏହି ପବିତ୍ର ଗଣେଶ ଚତୁର୍ଥୀ ଅବସରରେ ରାଜଧାନୀ ଭୁବନେଶ୍ବର ୟୁନିଟ ୮ ସରସ୍ବତୀ ଶିଶୁ ବିଦ୍ୟା ମନ୍ଦିରରେ ବେଶ ଆଡମ୍ବରରେ ପୂଜା ପାଳନ ହୋଇଛି । ଛାତ୍ରଛାତ୍ରୀ ବିଘ୍ନହର୍ତ୍ତାଙ୍କୁ ସ୍ବୟଂ ପୂଜା କରିଛନ୍ତି ।
ବିଦ୍ୟାଳୟର ଛାତ୍ରଛାତ୍ରୀ ଧୂପ ଦୀପ ନୈବଦ୍ୟ ଦେଇ ଗଜାନନଙ୍କ ଆବାହନ କରିବା ସଙ୍ଗେ ସଙ୍ଗେ ସମସ୍ତ ଉପଚାର ସହ ଆରାଧନା କରିଛନ୍ତି । ଏହି ନିଆରା ଅର୍ଚ୍ଚନା କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଏକାଠି ହୋଇ ଏକ ସାଙ୍ଗରେ ବିଘ୍ନ ବିନାଶକଙ୍କ ପୂଜା କରିଛନ୍ତି । ସମସ୍ତେ ବିଦ୍ୟାଦାତା ନିକଟରେ ସମସ୍ତଙ୍କର ମଙ୍ଗଳ କରିବା ସହ ଆମକୁ ବିଦ୍ୟା ପ୍ରଦାନ କରନ୍ତୁ ବୋଲି ଆଶୀର୍ବାଦ କାମନା କରିଛନ୍ତି । ସେହିପରି ଗୁରୁଜୀ ଗୁରୁମାମାନେ ଦୁଇ ବର୍ଷ ପରେ ପୁଣି ଏହି ଆଡ଼ମ୍ବରରେ ପୂଜାକୁ ନେଇ ମଧ୍ୟ ବେଶ୍ ଖୁସି ଅଛନ୍ତି ।