ଭୁବନେଶ୍ବର: ଦିନକ ପରେ ସ୍ବାଧୀନତା ଦିବସ। ତେବେ ଏଥର କୋଭିଡ ପାଇଁ ନିରାଡମ୍ବର ଭାବରେ କରାଯିବ ପାଳନ। ଗୃହ ବିଭାଗର ଗାଇଡଲାଇନ ଅନୁସାରେ ପାଳନ ହେବ ସ୍ବାଧୀନତା ଦିବସ। ଏନେଇ ପ୍ରଦର୍ଶନୀ ପଡିଆରେ ହୋଇଛି ଫୁଲ୍ ଡ୍ରେସ ପରେଡ ଅଭ୍ୟାସ।
ଦିନକ ପରେ ସ୍ବାଧୀନତା ଦିବସ, ସରିଲା ଫୁଲ ଡ୍ରେସ ପରେଡ ଅଭ୍ୟାସ
ଏଥର 3 ପ୍ଲାଟୁନ ମୁତୟନ ହେବେ । ଗୋଟିଏ ପ୍ଲାଟୁନ ଓଡ୍ରାଫ, ଗୋଟିଏ ପ୍ଲାଟୁନ 7 ବାଟାଲିୟନ ଓ ଗୋଟିଏ ପ୍ଲାଟୁନ ଏସଏସବି ମୁତୟନ ହେବେ। କୋଭିଡ ନିୟମ ଭିତରେ ସମାପନ ହେବ ସ୍ବାଧୀନତା ଦିବସ ।
କୋଭିଡ ନିୟମ ଭିତରେ ସ୍ବାଧୀନତା ଦିବସ କିପରି ପାଳନ ହେବ ସେନେଇ ନିର୍ଦ୍ଦେଶନାମା ଜାରି କରିଛି ଗୃହ ବିଭାଗ । ସକାଳ 9ଟା ପରେ ଜାତୀୟ ପତାକା ଉତ୍ତୋଳନ ହେବ । ଗୋଟିଏ କିମ୍ବା ଦୁଇଟି ପୋଲିସ ବାହିନୀ ମୁଖ୍ୟ ଅତିଥିଙ୍କ ସ୍ବାଗତ ପାଇଁ ନିୟୋଜିତ ହେବେ । ଚଳିତବର୍ଷ ମହାମାରୀ ସ୍ଥିତିକୁ ନଜରରେ ରଖି ପରେଡ ହେବନାହିଁ ବୋଲି ନିଷ୍ପତ୍ତି ହୋଇଛି ।